其實初小普教中文好唔好呢?

Charlotte_mom

呢個係學校問題, 唔係用唔用PTH教既問題 (如果學校係請native speaker就唔會有呢個問題啦)
所以我唔多鐘意雙軌: 雙軌, 即係本身有廣東話中文老師啦, 咁PTH中文老師點黎? PART-TIME? 叫廣東話老師考個試然後教PTH? 好唔可靠wor

原帖由 Joe媽媽 於 10-7-30 02:02 PM 發表

Agreed with you.

不吐不快:
- 老師本身之普通話都未必好好, 點教?
- 學校只是想多一個買點, 亦向教局取多一點資助吧了...
- 亞仔跟北京老師學了2年普通話, 他說他學校之普通話科"主任/ 老師"之發音都無他說得 ...

Charlotte_mom

咁講啦
不嬲香港學校都有教英文, 我地(老餅)幾十年前返地區小學, 都日日有英文堂, 唔講得都識grammar, 上到中學, 大學, 同全英文tim啦
但推廣普通話不過係好近期既事, 至少我小中大學都無學過pth, 係大左自己出去學, 仲係工聯會程度! 係近幾年至多人覺得pth緊要, 要求高左, 資源至多左
所以for香港本地薑黎講, 接觸英文已經係幾十年黎日日做緊既事, 而接觸pth就未必, 可能真係為左工作去惡補考試, 學得唔夠
況且英文, 我地都成日有話"港式英文港式英文", 如果pth唔搵個好老師, 睇怕幾十年後, 又好多香港人講"港式普通話"了 (唔native都唔好港式啦)

原帖由 tom911 於 10-7-30 03:37 PM 發表
我好贊成普教中。
教英文老師，唔通個個一定要native english speaker先教得，香港有幾多小學英文老師係外國人？好多都係香港人黎架喇，就算學校無普通話，好多家長都會出去學，出去學個d唔通又好正宗喇！

就算幾叻既英文小朋友，佢 ...

Charlotte_mom

雖然我十分讚成普教中, 我女學校d細路亦個個咀jel jel, 但講真我又唔覺得真係普教中真係可以"我手寫我口"顯著改善作文投巧
始終我地係廣東人, 唸野時都係用廣東話唸, 作文又要合題材又要舖排又要修辭, 個腦不停轉, 識講普通話唔等於文筆好, 最多係少左d白話字 (我觀察自己個女同身邊同學咋)

小朋友學pth比大人快同準, 呢樣我又agree wor! 我仔細個有語障, 細個跟言語治療續個m音f音d音學, 問你驚唔驚
我根本唔敢俾佢接觸太多外語, 剛剛5月開始我終於俾佢學pth(屎到埋身啦嘛), 2個半月11堂佢已經學晒所有聲母韻母, 有d發音, 我地大人mark大個口得個窿, 真係發唔出, 佢地小朋友由0開始一黎就得心應手, 勁! 讀d教材, 佢見到拼音"遲chi"同"齊qi", 自己識分, 讀得清清楚楚, 我又唔係搵名師我又唔係勁料, 點解我仔咁既background都學到, 其他小朋友學唔到?