小四數學很差，應用題不懂，真煩！

Charlotte_mom

我女呢, 所有基本野都識, 都明, 但唔夠純熟, 數感亦唔夠d男仔強(直到而家p6喇, 100除4都幾乎要用直式至知係25), 當學校d題目鐘意"炒埋一碟", 我女就c得喇, 打個比喻: 四方型周界16cm, 現在邊長增加1/4, 新周界是多少? 我女唔識做, 我問佢, 四方型周界16cm, 咁邊長幾多呀? 佢答我4lor, 我再話, 咁新既邊長增加1/4, 又即係幾多呀, 佢答: 5lor, 我又問: 咁新周界係幾多呀, 佢識答我20了!

所以我女問題出o係"策略"上

你可以試下買d坊間最基本既練習返黎, 叫你女做一版, 睇下佢識唔識, 如果佢輕鬆解決到, 就可以慳返d時間o係基本操練(無謂反覆做到佢都無心機啦), 而可以直接跳去解題/列式/高階思維, "學林"出版社d數學練習有一個系列叫"應用題及解題思路", 係專訓練小朋友step by step去解題的, 不妨一試, 如果問題係連基本野都未攪得掂, 而你自己又操練得好氣餒, 我會建議你搵專人教啦, 而家我女p6, 搵上門補數都係$100/hr, 我死少好多細胞..............