教女教到好沮喪

Charlotte_mom

原帖由 mlca1314 於 15-04-15 發表
呢輪敎女數學教到好沮喪，教極都話吾明吾識，唉～～～

有d女仔係數感差，急唔黎。數學好衰，唔識會一路積上去。要由底清起，講解多幾次，做多d練習令佢上心，至可以再學新野，否則挫敗感仲大。如果自問教到火滾，外判啦唔好傷感情（經驗之談，我湊到個女而家中三，教佢同教我仔係完全兩回事，完全了解無得急）

Charlotte_mom

開左機, 可以慢慢講

我女係數學白痴, 由細教到佢大, 真係扯晒火, 勁straight forward都還好, 稍為轉小小彎已經kick住, 玩高階思維死得更快
弊在佢學校最鐘意玩高階思維, d問題tricky過晒坊間所有練習 (唔係深架, 古惑lor)

學完周界, 有條問題: 如果四方型a周界16cm, 四方型b邊長比四方型a多1/4, 咁四方型b周界係幾多, 我女就死緊......
你問佢....咁16周界, 邊長幾多呀, 佢又識答我4; 咁4多1/4即係幾多呀, 佢話5, 咁邊長5, 周界幾多呀?
我女"叮"一聲: 啊! 周界即係20!!

呢條問題, 如果俾我仔做, 佢應該係對眼碌2碌就有答案了

呢D咪就係天資LOR! 個天好公平嘅, 我個仔其實問題多多, 呢方面就鬼咁醒

所以如果因為咁而鬧細路, 佢地都好慘, 你估佢地唔想叻叻咩, 咁真係理解唔到嘛

所以基本功一定要扎實, 有D似公文concept, 基本野唔駛經大腦已經有答案, 咁高層次野要解決得到

加油吧! 私補小學一般都係120-150左右, 唸唸佢啦

Charlotte_mom

Jane1983 發表於 15-4-15 13:37
回覆 豬婆 的帖子

佢咁樣，應該係熄咗機，吾係蠢或者懶。抖一陣、隔一陣，換個方法再慢慢教。

有次聽曾繁光醫生講座, 佢話, 有咩事, 第一件事做咩呀, 開雪櫃筆雪糕先, 一人一杯, 點解呀, 用黎降火丫嘛

Charlotte_mom

原帖由 little_yolky 於 15-04-16 發表
真係辛苦, 好彩我哋妹妹好醒, 見勢色唔對, 即刻閃人, 唔好被殃及池魚。我剩係教數學專科都搞到血壓高, 真係 ...

講開爸爸教數，仲好笑。身邊家長daddy 不少專業人士，工程師、醫生等。有個工程師爸爸，某日自告奮勇去教個女數，媽媽已經拎定花生等睇戲。果然不過一陣時間，個爸好frustrated：你都唔明。個女亦唔客氣呀，答佢一句：你根本都唔明點解我唔明！！！事不關己，媽媽匿埋一邊笑到傻左

Charlotte_mom

little_yolky 發表於 15-4-16 08:50
媽媽已經拎定花生等睇戲

我在公司笑左出黎

個女幼稚園時, 有日我約左朋友食飯, 叫隻佬幫我睇佢做晒D功課姐(我女會自己做, 不過有時要跟)
結果第2日派返黎, (真係要搵返個舊版粗口公仔出黎至得), 5個連線姐, 做3個就咁交左出去; 我慶過辣雞, 對住我老公吼叫: 你又話做晒?! 最犀利係我老公轉頭望住個女: 你又話俾我知做晒?!

零壓力之下, 層次果然唔同, 功課於佢地彷如浮雲~~

Charlotte_mom

1234ats 發表於 15-4-16 13:26
Charlotte_mom
孩子如果不識計這題數可能有很多原因：可能他根本沒聽書，不知什麼是周界，也可能忘記周界公式，又或者不明白分數等等。所以我一般教計數會先把問題細分為幾個部分，然後找出孩子能掌握那個部分，那個部分有困難，才能對症下藥。

識架, 知什麼是周界，知周界公式，亦明白分數 分開問即刻全部答到, 但炒埋就唔識, 所以我覺得係運用得唔夠熟, 解難唔夠strategic, 面對自己擁有的一大堆公式, 都唔知點入手 (就係你講點去細分, 計邊樣先)

話說我女由細到大, 數學都係合格邊緣, 直到p5有一次班際速算比賽(鬥快鬥準), 竟然全班第3, 我睇下張問題紙, 全部係直接計算題目, 果一刻我好清楚問題出左o係邊: 佢唔係唔識計, 佢係唔識揀自己識嘅野黎用

另一個出事例子: 計畫框面積concept: 草地(外長方型)10m x 12m, 中間有泳池, 草地每邊闊2m, 問中間泳池面積幾多
條問題其實就要求學生識將10m-2m-2m=6m係長, 12m-2m-2m=8m係闊, 面積就係48
其實一d高難度都無
但我個女個腦就係轉唔黎, 講完又講, 講完又講, 佢好辛苦至明左 (都記唔穩), 到下次問題轉小小彎(例如俾細size叫佢計大size), 佢又企左o係度

我個仔, 係小2時問, 當17x6=102, 咁17x8係幾多, 我仔直接寫136 (幾秒之內!), 我反問佢點知, 佢一副"真笨"嘅樣望住我: 17x6係102, 咁17x8咪即係多兩個17咪即係34, 咁102+34咪就係136lor (差左未講出口果句: 咁都仲要問!)

要因材施教呢.......

Charlotte_mom

MASAYA 發表於 15-4-16 16:53
你仔數感好好，要佢解釋返點樣咁快計出黎其實仲難過佢幾秒計完

係架所以佢一臉不耐煩

Charlotte_mom

wan_sosin 發表於 15-4-16 17:08
當家中有兩個相差遠的孩子,就會覺得好難明那個慢一點的發生什麼事,我就是那個慢一點的,我有個超強嘅哥哥,我 ...

兩個好唔同
我女語言強, 開開心心又一日, 人緣好, 唔係叻又唔係蠢, 無咩煩惱俾我, 由細到大老師comment最多都係話可以再努力d啦, 可以再做好d啦
我仔社交差, 語言弱, 不善溝通, 有好叻之處亦有短處, 聰明仔一個不過不善運用, 彷如坐過山車, 又高又低, 見老師主任訓導主任如家常便飯

所以成日話好天好公平嘅....

我妹話有次睇王子華, 佢話:阿媽有兩個仔, 一個得諾貝爾獎, 一個俾警察拉, 阿媽一定係去警察局; 我而家明晒啦, 雖然個仔令我好勞心勞力, 但阿媽原來仲緊張

湊大小朋友唔容易, 共勉之

Charlotte_mom

原帖由 MASAYA 於 15-04-16 發表
跳躍思維既人，要佢跟其他人既方法好痛苦架，如果畀時間佢自己諗通就可以叻過好多人，只係香港既課程畀唔到 ...

我個仔更雪上加霜係溝通能力弱社交差，佢係聰明仔，個腦不停有攪作，當遇到挑戰佢會好快唸到辦法，可惜未必係最好；而且有時講求合作性、佢只識自己一股作氣向前衝，無考慮過partner明唔明、跟唔跟到，或者人地方法會唔會更完善、或者點分工。

教社交，仲慘過教學術野