長笛vs鋼琴vs小提琴

Charlotte_mom

少少分享
我女學琴學琴8級，小提琴3級止步
阿仔啱啱考完長笛8級

阿女學琴先，學琴係左右手齊用，考試比賽除技巧同準備性，亦較講究演出手法（即彈啱係不足以高分）
你都明鋼琴，一下彈落果個key度一定係果個音，所以要求嘅係手法，手嘅用力，輕重，腳踏踩法，影響隻歌完成度
音域大，所以有人話學音樂由學鋼琴學睇譜咁解
學鋼琴缺點：大件（但有價有市放二手好易）、唔入到樂團，無咗玩樂團嘅樂趣（除非你好勁，勁到玩鋼琴協奏曲有樂團幫你伴奏）

我女唔鐘意小提琴，話要企，同夾住辛苦wor! 而且小提琴唔同鋼琴，小提琴拉同一個音，可能練幾百次幾千次，至掌握到拉得準，我女就好唔慣，因鋼琴唔需要咁，c音彈落執一定係c, 點解小提琴要練習咁多次 （以上係懶人心聲）
小提琴有一定機會可以入樂團。獨樂樂不及眾樂樂，一班人玩，有表現有訓練什至訓練營、出國交流，係會好玩的

我仔係一開始就長笛 （純粹因為屋企有枝笛又入到學校樂器班），初學要掌握運氣、口肌、手指，我都好佩服佢，細個有語障要睇治療師學用口肌，練到今日考8級。係另一種累，郁到脷都打結手指都硬。管樂好處：揀細嘅如長笛，方便携帶，出國表演樂器都可隨身攜帶。長笛亦易入樂團 （專業的話，長笛手競爭大，但請嘅數量亦多。學校就應該唔難入）

小師奶心得，睇吓你有無用