美國的小學教育

Charlotte_mom

好文章!
呢個問題我唸左好耐: 究竟香港學生填鴨十幾年, 得到d咩呢, 係咪d鬼仔鬼妹個個返學也也烏, 長大左出黎做事, 會特別inferior呢? 答案係no
我有個朋友, 自己o係名中小學讀書, 後來去左canada讀大學, 最近講開女女入小學, 佢話, 就算有分都唔會幫女女apply返自己間學校, 佢話: 入到大學, 覺得好唔抵, 自己捱左十幾廿年, 隔離個鬼妹只不過係來自本地既一間"街邊學校", 日日哇哈哈就一日, 入到大學, 大家都係一同開始, 香港學生特別knowledgable咩? 唔係! 考得特別好咩? 唔係! 佢開始覺得, 究竟自己個"童年"去左邊度
香港年年都玩教改, still學生水平一蟹不如一蟹, 反影左d咩? 我都唔知....我只知由細到大, 要記既野, 好多真係好無謂: 小學要背d中文文章, 又唔係d咩名著(唐詩就話背姐, d"重陽節, 爸爸媽媽去登高"背黎做咩鬼!) 到高中, 背中史先嘔血: 鄭和七次下西洋既原因, 經過同影響, expect你背3版紙, 我唸我到死都記得d內容--不過唔知記黎做咩
同事同個女去check眼, 問醫生邊隻檯燈好, 醫生慨嘆"我o係澳洲practise左好多年, 從來無家長問我買檯燈, d細路從來唔需要用檯燈做功課" 點解唯獨是中國人既細路仔, 條路就特別難行?