自閉症小朋友的媽媽入來傾下解!

Anpanmama

對聲音敏感嘅小朋友, 可請教職業治療師, 有啲專門嘅CD同耳筒可以幫小朋友comfort同適應/克服。
另一方面留意吓小朋友對邊種聲音有敏感嘅反應, 例如有啲係對某人說話嘅音頻, 或者是某個房間的冷氣機聲音, 有啲可能我地聽唔到嘅音頻, 掌握到可以幫佢早啲得到協助。

另外, 我仔仔家陣4歲半, 3歲半時入S位, 到家陣都仲keep住有上自費ST同OT, 因為佢係番全日, 啲堂通常都安排放学後, 隔週都ok, 但開頭未有成效前係每星期去就比較辛苦, 所以温馨提示: 上外面自費嘅治療要安排時間同交通、唔好太趕同太遠, 不然小朋友可能會太攰。
本來我都安排佢星期六、日休息, 無報出面私人訓練, 但見佢精力光沛, 暑假開始加埋一啲興趣班(短期), 等佢再多啲接觸不同嘅嘢！
見佢都好享受、開心。 黎緊會繼續報.....