課程

rulfchan

亞囡現在讀初小，好鍾意間學校，讀得好開心。
課程比一線私校略淺，但適中，亦教得幾深入。測、考、默的範圍好早已經收到，有足夠時間準備及温習。老師出卷好細緻、好有心機，連課文中的窿隙位都會在選擇題出埋。
功課量適中，星期五或長假期時會多DD。
小班教學，老師好有愛心，只要做到基本要求，便有貼紙或蓋印鼓勵。測、考達到優良水平，仲會有小禮物。
小息好自由，可以去圖書館外，還可以打波，上電腦室玩電腦，定期仲有不少的活動及攤位比小朋友玩、學習和靈修。