求中文認字方法

rean_chau

我仔小一中文幾乎未合格過，我係一升上小一就知道佢認字有問題，所以用左好多方法，初開始對中文字無概念，所以唔駛佢抄寫，但晚晚認，圖像法，部首法，總之幫到佢都用過。到有所改善時就伴讀，初時伴讀都幾勞氣，但慢慢就會好。小一暑假日日抄金句同篇章。小二比佢跟左一個老師學閱讀理解，其實好簡單，就係揾出時地人，經過同結果。平時我都比幾多練習佢做，晚晚 做少少，再加伴讀半小時。下學期開始明顯改善，中文有八十幾。小三之後無理啦，責任已完成，自由發揮。但每個星期寫一篇作文比我，開始九唔搭八，漸漸有文有路。我經驗係伴讀呢一part好重要，宜家佢無事做就會睇書，閱讀量都算幾高。我揀書既方向係有趣同貼近佢思想。小一時睇小兵系列，之後就閱讀一二三之類，圖書館有好多。

rean_chau

原帖由 little_yolky 於 16-05-21 發表
吓！閱讀123好好睇啊！小兵又好睇。

我都有比佢睇漫畫，始終老夫子同多啦A夢係佢至愛，呢啲係佢既閱讀情趣，不過就少借少買。