M2

dativebond

pineapple0983 發表於 17-1-19 18:17
其實如果你有留意啲歷屆狀元探花榜眼之類，你會發現他/她們多數是理科生，且較多是純理生，不少更是讀8科(4 ...

Phy和chem有關連？我真係睇唔出。。。

講真，每一科的關連不太大，就算有關連都只係好少部份有關，而且相關部份的題目都唔同考法和答法。

揀科重點始終係果科對揀大學有無用同埋自己有無信心考得好，入大學係鬥高分，唔係鬥讀多幾多科，而且如果因為覺得各學科有關連而去讀係好傻。如果唔係天才，讀咁多科只會浪費時間。如果你要讀既科根本唔駛m1/m2，唔讀好過，因為其實m1/m2係比core Maths難好多，而且花既時間係好多。

除非你話大學要讀數、統計、精算、工程果類野，先要讀m1/m2啫，否則純粹話讀m1/m2對其它學科有幫助（其實我唔認同關連好大講真），而要花咁多時間去讀m1/m2，其實好蠢。

如果我立志讀法律、會計、文科、社會科學，我讀m1/m2把鬼。

你話叻果批未肯定大學讀乜所以讀m1/m2留下後路啫，但真心唔明點解咁多唔係好叻既人都花時間去讀m1/m2。。。已經唔係叻就更加要早點知自己想大學讀乜，集中火力讀必修科目。高中已經多野讀，仲浪費時間讀D對自己第時大學揀科無用的學科。自己讀得唔叻就更要早早諗定，你無條件好似叻既同學咁有條件去留所謂既後路，唔係人讀你讀。

dativebond

pineapple0983 發表於 17-1-24 10:16
我唔會同你糾纏，你睇唔出不表示其它人睇唔出，有讀過就會明我講什麼。
舉例有人選Chem/ICT/Econ，我會話這 ...

Physics和chem的關連係邊？

Physics 主要讀optics, mechanics, wave, electromagnetics。
Chem主要讀organic chem, inorganic chem，係比physics更微觀的世界。
我諗到你所謂的「關連」係講點解會有electromagnetics呢？就係chem入面所講既electron既流動，但係兩者難考既地方唔係呢D，呢D野太皮毛。其實你望下past paper 和marking scheme就知係考試層面，各科關連性不大，唔好想當然，有少少掂到就話有關連，好緊要。

真係唔好亂講有關連（就算有關連都唔係DSE level，可能到大學或更後先體驗到），唔係個個媽媽有讀過，你一句話有關連，人地真係會信。

況且，就算有D地方有關連，例如physics和m1/m2 的vector有關連，都只係和physics的mechanics的一門入門課vector有關，好基本。真正要考你難既地方都唔係果部份。m1/m2和physics最難果part electromagnetics關連真係無乜。其它學科都係，就算有關連都只係極少部份，佔5%都無，而且關連既部份都係好皮毛，唔係果科最難既地方。

我就係讀過先覺得所謂的「關連論」太過誇張，先澄清下，免得有D唔識既家長會認為「關連論」重要，人云亦云。

dativebond

hong2002 發表於 17-1-25 18:17
我地A level 年代，理科預科生一係讀 Maths Group，一係讀 Bio Group。

Maths Group -  Pure Maths, Ap ...

你以為我係0靚仔呢？我都係A level年代架。

你有一句話好啱。係將讀果科的能力相似的group埋一齊，我認同。如果講讀法，的確讀core Maths、m1/m2、phy、Chem和bio讀方法係各有相似既地方，都係掌握得好個concept先可以考得好。

唔用內容，反而用讀書方法這個角度來看，我之前和pineapple兄的分歧收窄了。你的講法突破了我的盲點。

其實，另一方面，我覺得econ都和讀理科的方法好似，雖然內容擺明唔似。

以上咁多科既讀法其實都有相似地方，㨂邊科、揀幾多科，到最尾都係睇你興趣和能力，夠唔夠時間應付，因為你唔可能因為相似就㨂晒全部黎讀架嘛～