學好中文比學好英文難!!

monkichi

阿囝小一. 早幾天剛考完試.

佢中文成績不理想. 但英文就非常好.

佢讀中文學校, 除英文外, 其他科目都係用中文教授.
由於佢中文唔好, 睇唔明題目, 連老師讀題都聽唔明, 令到數學同常識都低分.

請問大家有無學/補中文的心得可以分享下 ?

我知道閱讀係一個學好中文的途徑.
但我覺得有系統(即故事由同一班人物組成, 但分不同階段)的中文圖書好難找啊 (英文圖書反而有很多)

大家有無中文圖書介紹呢?

monkichi

好多謝 Charlotte_mom 同 林嬌嬌 介紹中文圖書, 我已經喺圖書館的目錄搵到 Charlotte_mom 介紹的書, 遲d會預約借畀阿囝睇.
但係我搵唔到"字詞樂園"啊 ...

想講多少少, 我囝係讀普通屋村幼稚園本地課程 (唔係英文幼稚園).
佢 d 英文係睇明珠台同國際台 d 兒童節目學番來的, 唔係我地"谷"番來的.
我地起初諗住佢平時接觸 d 人(我地屋企個工人姐姐, 佢 d 同學/老師, 我地 d 親戚朋友等等)都係講中文, 應該好容易學會中文, 咁咪無咁落力去培養佢o既中文囉.

點知 ..... 就如 Charlotte_mom 所講, 佢學識英文 phonics (幼稚園教), 可以自己睇英文書.
而且有趣的英文書比有趣的中文書多同易搵.
咁佢就變咗睇英文書多過中文書, 在文字上接觸英文多過接觸中文.

另外, 就係喺免費電視播的兒童節目, 我覺得好似英文台有多 d 適合幼稚園至初小小朋友的節目, 中文台好似無乜(可能係我無留意).

唔知大家有無 d 喺免費電視中文台播的, 又適合初小小朋友睇的節目可以介紹下呢?

我宜家打算用半年時間, 試下自己幫佢補下 d 中文(同佢一齊閱讀中文書, 自己出 d 練習畀佢做, 多 d 同佢講中文).
如果半年後都無明顯進步, 我會諗下幫佢報外面的中文班.

我宜家心目中諗到係 "直映認字" 班.
唔知有無家長對呢個課程有認識, 可以分享下?
又或者有無其他中文班可以介紹下,等我開始留意下.

monkichi

原帖由 muffyma 於 10-11-11 17:55 發表


想問一下 monkichi，你孩子的小學是否用活動教學上堂呀?

根據學校網頁所講, 小一至小三是活動教學上課的. 但實際上課情形是怎樣, 我就不清楚了.

monkichi

原帖由 aryee 於 10-11-18 17:35 發表

monkichi，中文台唔同英文台，睇英文台我地根本一擰開個電視，已經有得著，at least有listening既training。但中文台唔同，我地唔需要學聽，除非你個仔 ...

講睇書，我仔反而好容易對中文書有興趣，隨手沾來，故事定資訊，佢都津津樂道，睇唔明佢都有心機估。反而幫佢揀英文書就有困難，佢vacab唔夠，而且對英文句式掌握得好少，睇唔明都唔夠料去估，只維持睇埋d 內容泛味既書仔，大家有咩入門介紹﹖程度大約係一個小二英文教科書。謝！

英文書, 有一個作者我好鍾意, 叫 Mo Willems.
佢有兩個系列的書應該會適合你的小朋友.
一個係 "The elephant and piggie" 系列, 另一個係 "pigeon" 系列.
全部都可以喺圖書館借到 索書號=JJ WIL.
書的內容好有趣, 帶出的道理好正面, 很溫馨.
每頁一至兩句文字, 字體大, 小朋友可以嘗試自己閱讀.

另外, 宜家逢星期六早上, 明珠台播一套卡通, 叫 "Wibbly Pig".
係改編自 Mick Inkpen 同名的書.
圖書館都有得借.
小朋友如果鍾意睇呢個卡通, 應該會鍾愛睇呢個系列的書.
呢個系列相對之前所提的系列應該情度深少少, 但都不算好深的, 因為用字都算簡單.
Mick Inkpen 的其他書都好睇的. 可以 search 下呢個作者

[ 本帖最後由 monkichi 於 10-11-18 18:02 編輯 ]