大家的小朋友用甚麼牌子的鉛筆(及鉛筆刨)?

monkichi

我的小朋友用過:
施德樓 -- 差不多 $3.x - $4 一枝
中華牌 -- 最便宜買過 $5.x 一打.

價錢相差很大, 當然質素亦相差很遠.

施德樓除了價錢貴之外, 我覺得係無得彈的.

至於中華牌鉛筆, 我覺得它的好處是: 價錢便宜、鉛芯的顏色&易擦程度ok.
壞處是很難刨, 在刨的過程易斷(不知與筆刨有無關係, 我用tombow雙孔 及 faber castell透明嗰款).
常常刨到就快尖時, 就啪一聲折斷.
小朋友不能自己刨, 一定要大人(仲要係有耐性的大人)刨先得.

請問可否介紹一些中等價錢, 質素又好的鉛筆, 以及好刨又耐用的鉛筆刨?
(因為鉛筆通常一買就一打, 買咗唔好用的要"捱"一打. 如果有人介紹就可免卻不少煩惱)

謝謝.

monkichi

見大家提及三角鉛筆.....
我都有畀我的小朋友用三角鉛筆, 但只是在家用, 沒有帶回學校用.

不帶回學校用是因為我找不到"筆套"夠大可以套在三角鉛筆的筆頭.

我的小朋友是用筆袋.
若果鉛筆沒有"筆套"套著, 很容易會弄髒筆袋及袋內的其他文具.

請問小朋友用三角鉛筆的家長, 你們有我以上的問題嗎?
如有, 你們怎樣解決? 請分享.

謝謝

monkichi

原帖由 yhk329 於 10-11-17 14:08 發表


我用三菱三角B筆
在吉吉島旺角十元店買到筆套
可以套到
不過貼左人名貼紙就入不到了
所以改為用箱頭筆寫名算了

yhk329,
我小朋友用的三角鉛筆是 faber castell 及 施得樓黃黑色款 (不是$8/支的jumbo款).
我嘗試將普通的筆套套入三角筆, 但不成功.
我留意到三角筆是比一般六角鉛筆粗身少許的.

請問, 你話三菱三角筆可以套入吉吉島十元店的筆套.
係因為筆套口比一般筆套口闊, 還是三菱三角筆的筆身跟一般六角筆差不多粗?

monkichi

原帖由 小玲 於 10-11-17 13:21 發表
冇筆套係會污'租'd,所以都好巧小朋友對自己東西愛唔愛惜。

我都係用刨機，d筆冇咁容易斷。最唔鐘意用有圖案嘅筆，因為極難擦得乾淨。中華牌我都有用，我鐘意用黃黑嗰隻，因為紅黑嗰隻會隻慣搵唔到擦膠就用筆尾擦，好dirty。不 ...

我現在正積極考慮買一部刨筆機.
請問 carl 呢個牌子 ok 嗎?
零售大約幾錢一部? (我見到網上做公司文具批發的店賣 $59 一部)

中華牌紅黑款的鉛筆, 我都唔鍾意佢附加的擦膠.
所以我用之前會將擦膠拆下, 由筆的尾部開始刨起.

monkichi

唔該小玲及小新媽媽提供參考價錢.

我剛才逛了一轉公司附近的文具店, 發現幾間店的定價差別很大.
分別是 $65/$79/$9x(忘記了是$90還是$95, 我聽到90已經嘩了一聲)

週末有空的話會出去看看大眾及商務.

(如果有人知道大眾及商務 carl Angel-5 現在的售, 請告之, 這樣我便不需專程走出去看 )

monkichi

原帖由 aryee 於 10-11-18 15:51 發表
monkichi，
你用咩刨faber castell粗三角﹖我換左幾款筆刨都刨佢唔掂，支芯郁下都扭晒花，又成日斷，得到成功刨到，筆咀都係得好短，唔好寫，激鬼死我，最後又係死死地去買返施德樓！

我想問大家邊度有合適筆套係for施德樓八角黃色筆桿﹖ ...

我用 faber castell 透明雙孔嗰款鉛筆刨刨 faber castell 三角筆
刨嗰時要有少少技巧先得...
唔係好識點講 ... 要自己就住筆芯去轉支筆, 如果唔係就會好似你咁講, 支芯會"扭晒花".
我掌握咗之後, 就ok喇, 刨出來的筆心唔會好短, 又唔會"扭晒花".

monkichi

我想問 carl Angel-5 可唔可以用來刨三角鉛筆 (普通粗度, 不是 jumbo 粗款)?

剛才我逛咗另外兩間文具店, 見唔到 Angel-5 款, 但見到另外兩款.

CP-300 -- 個盒寫明可以刨三角鉛筆
CS-8   -- 呢個款同 Angel-5 好似, 但無寫可唔可以刨三角筆.

monkichi

多謝你的報料, 我上幾個星期已經喺公司附近的文具店買咗, $65.



我之前去過好幾間文具店/書局格價, 發現同一型號(carl Angel-5), 不同店舖的價錢相差好遠!
例如大眾同商務就相差差不多$10!! 一間賣$7x, 一間賣$8x.



用咗刨筆機之後, 我都覺得中華牌同包筆機係絕配組合!!


另外, 我亦睇咗三夌三角B筆, 佢真係同普通六角鉛筆差不多粗, 所以可以配到筆套, 又可以用刨筆機刨.
我囝用的Faber castell三角筆係比較粗身, 連刨筆機都插唔入.