点樣令小朋友講英文比較native?

monkichi

我見識過一對兄妹, 佢地父母無花好多錢投放資源去培養佢地講英文, 但係喺無心插柳嘅情況下, 兩兄妹都能說一口流利英語, 而且口音都算"native", 係美國口音.

佢地嘅方法就係從小畀佢地睇英文台播嘅卡通(卡通經過篩選, 父母先看, 覺得適合就燒錄在光碟播畀佢地睇, 平時極少睇其他電視節目)

除睇電視/電影係英語外, 全家人平時都係以廣東話溝通, 包括外傭(外傭其實唔識英文)
兩兄妹從小到大都只係讀屋村幼稚園同津貼小學(中文教學的)

他倆平時都以英文溝通, 但面對其他人, 佢地又識轉番用廣東話.
(但好明顯佢地嘅廣東話講得無咁流利)

大部份第一次見面嘅人, 聽到佢兩個用流利英語傾偈, 都會問佢地係咪讀國際學校.
跟住同對父母傾偈, 問番點樣可以令到小朋友講英文講得咁好, 佢地都話無特登做啲乜, 可能係因為有兩兄妹, 佢地大家為對方製造咗英文語境, 所以會咁.
另外一個原因, 可能係因為屋企人無特登同佢地講英文, 佢地一直聽嘅英文都係美國口音(多數卡通都係美國製啩), 所以無乜本地口音.

==>結論, 學語言, 要多聽多講, 有個合適嘅語境係好重要.

monkichi

Feelinggreat 發表於 14-9-25 16:02
佢大幾大先? 6-7歲小一前都仲還可以只靠睇電視, 到大個D要深層思考, 果D英文唔夠用架啦...



  ...

佢地1個10歲,1個7歲
點為之"果D英文唔夠用"?
我覺得佢地嘅英文已經內化咗, 佢係用英文思考(我覺得), 如要用廣東話同人傾偈, 就將諗咗嘅野(英文句子), 翻譯番做中文.
所以聽佢地講野有時好搞笑.
佢地除咗睇卡通, 都超鍾意睇書, 尤其英文書 ... ... 我估呢個都係關鍵.

我見樓主個題目係問點令小朋友講英文減少港式口音, 我先分享呢個 case 咋.