1歲已經識發脾氣, 點搞好?

Christi

agreed>好似你唔係好明1歲人仔諗乜...


>有時玩玩下某一樣野, 我拎走去,佢發脾氣, 狂喊
自己玩緊的嘢,無端端畀人攞走,畀我都會發脾氣啦. 你做乜要攞走呢?有冇同佢講吓原因(以佢能明白的語言)?攞走之前有冇比啲預警佢?

>有時佢爬去想搞d 風扇/電線,鬧佢, 佢又狂喊
大抵佢唔係特登為咗激你而去搞D風扇/電線,或者佢都唔會因為明知咁樣好危險而故意去搞.其實佢都係好奇心(我咁講唔係話佢可以搞呢啲嘢).你先做好家居安全,之後試吓轉移佢的好奇心...如果佢對繩(如電線)好奇,你同佢講吓可以用嚟做乜(必定要有家長在場,因為繩好危險),如果佢對啲嘢轉吓轉吓(如風扇)有興趣,不如試試一啲電動車(或其他,你可以諗到的東西)?畀人鬧,當然喊啦.

>打佢手又無乜反應,都唔知佢知唔知 ...
你想佢知乜嘢?知道咁樣做好危險?我諗佢地都唔識乜嘢係危險.可以的話,唔好打啦,做好家居安全,收埋晒啲嘢啦...

我諗你都係愛錫仔仔的家長,試吓從小朋友的角度睇嘢,你會明白多啲.好多人話,做咗家長,好似再次經歷童年.我好贊成,我成日都變身成為大我囡囡小小既小朋友,同佢做friend...

互勉.

原帖由 leungcnine 於 11-6-20 13:06 發表
我個仔1歲, 0利幾日開始識發脾氣,
出街唔肯坐車仔, 要人抱住行,
有時玩玩下某一樣野, 我拎走去,
佢發脾氣, 狂喊,
有時佢爬去想搞d 風扇/電線,
鬧佢, 佢又狂喊, 但有時又唔理我,
打佢手又無乜反應,
都唔知佢知唔知 ...