時光倒流 PN / 幼稚園 時.....

Christi

如果從頭來過,我諗我都無乜會改變,暫時都幾滿意.至於未來,摸住石頭見步行步啦...

Christi

回復 VKwan 的帖子

做父母要學的事絕對不比小朋友少.

我有時都覺得係我依靠我個囡多啲,佢睡覺時我人有時會依偎係佢身邊(望吓佢),咁,見到佢,我人就踏實好多,睇住佢睡個樣(你知小朋友熟睡時係幾咁平靜),我個心好定,做人好似會好有信心~

我時時提醒自己:學習放手~佢終有一日離你而去.但記住:你永遠係佢既媽媽.

Christi

回復 BabyYukYuk 的帖子

自己接送,可以日日睇住佢地返學校,放學,得閒可以在校門外同老師吹吓水(仲係讀緊kinder),可以第一手了解佢今日係學校的生活,開唔開心,放學出嚟有冇扁咀木臉,或者笑住步出校園.在學校門外又成日見到佢的同學,知道佢同邊個friend邊個唔friend,見到佢和同學之間點相處,見到佢地手拖住手一齊步入校園.放學時同小朋友一齊搭車歸家,又可以同佢傾吓今日的學校生活,例如茶點食乜野?玩乜遊戲?...太多太多嘞~~講唔晒. 我個小朋友依家搭校車,我自己係多咗自由時間,但係其實見少好多嘢,好懷念同佢一齊返放學的日子.