係咪應該勸一勸?

ponnychan

日前, 姐姐很高興咁同我講, 佢阿仔準備去英國留學.  
我有些訝異, 一直無聽聞話要出國留學.   外甥讀書成績一向麻麻, 現在讀緊副學士, 我仲以為佢目標係本地大學, 無唸到原來暗地裏申請了英國的大學.   再打聽下大學名稱, 上網查下, 在英國都唔知算係排到第幾流既大學了.   國際生單是學費, 約每年14000磅, 報既又係business management呢類吹水科目.   但更大的問題是, 本來是工薪族經濟不算充裕又已年過50的姐姐和姐夫, 原來打算為此拿間樓去銀行做二按.   

係咪應該勸一勸?  但依家姐姐咁高興, 唔知點開口.  又或者一切唔係我想像中咁差, 讀得成返黎, 對外甥黎講係另一片天地.

ponnychan

siumiu2010 發表於 15-4-12 13:46
英國排行十大大學會好D

如果有英國排行十大, 廿大, 就唔會出呢個帖.    唔知呢間英國本土排行幾多, 但我上網查到個QS世界大學排行榜(undergraduate), 排到四百多位.   雖然排行榜唔可以儘信, 但都叫有個譜, 大概可以了解到係咩大學.

ponnychan

brother4 發表於 15-4-12 15:01
很正常的，副學士難上U，又要交學費，不如俾多一點去留學，有人選大陸，台，英，歐洲，估孩子肯去，會明白 ...

謝謝以上各位回覆.   明白了, 天下父母心, 咁係應該支持.

又,  "另英國第一年可報非聯招入本地U" , 照你咁講, 外甥係先副學士讀一年, 後去英國又讀一年, 再以非聯招申請入讀香港既大學.  係轉折d, 但似乎可行喎, 可以提下姐姐有咁既路徑, 等佢地研究下.

ponnychan

亮燈 發表於 15-4-12 15:31
但如果有能力繼續供到落去，就梗係完成英國大學課程啦！

我家姐在老人院工作, 照顧病弱老人, 唔好以為好輕鬆, 係相當辛苦既體力勞動工作, 仲有老人家既大小便之類, 簡直係厭惡性行業.  佢就黎54歲, 本來係可以準備退休既年紀.  但依家仲話想要攞層樓去做二按, 我真係唔贊同.  所以, 勉強供得起, 我都係寧願個外甥有機會返香港讀就最好.   

ponnychan

torunpoland 發表於 15-4-13 19:39
記住，勸告的重點是「家姐，我擔心你辛苦」，跟住平淡地論述你的論點，結尾是「決定權在姐姐，不論點，我都 ...

多謝你提醒, 我對外甥的確有先入為主的某些觀念, 的確要小心在意從口中說出的話以免傷了姐妹間感情.
我姐有個性格上優點, 佢好樂觀, 凡事往好處看, 反而係我有時會思慮太多.   其實, 我手上二,三十萬是可以拿得出來, 借給姐姐, 好等她緩一緩不去做按樓, 等外甥在英國讀完一年才說, 到時候返到香港讀大學固然好, 若要繼續留英, 那時候再想按樓的事也未遲.   

ponnychan

回覆 梁媽媽 的帖子

我問過, 佢話慳慳地預計35萬港元一年, 咁夠唔夠, 間學校在Wales.
我無唸過一次過幫忙一年開銷, 我姐自己補餘額是可以的, 而且我仲未同我姐講呢件事, 我唔想外甥有倚頼性以為錢好易解決.

ponnychan

waichung1962 發表於 15-4-17 00:50
可否告知是邊間大學？Wales是一個好地方，生活指數低，美麗、純僕及安全，另有幾間好大學。論排名，如果排 ...

我入過大學網站睇過, 大學本身和週邊環境的確好靚, 睇到都覺得能夠在這些地方讀番三幾年書, 真係唔錯.  我後來再查到大學在英國本土的排名, 排到45位之後, 但唔好講名字啦, 都唔知有無相熟既人上黎呢處會睇到呢個post.

ponnychan

我無唸到原來都有唔少家長願意按樓去供仔女出國讀書.  我唸, 要做出咁既決定, 都要睇多方面條件是否配合.   再二按, 就要延遲退休, 工作又幾辛苦, 唔通真係做到60歲? 咁當然要睇個仔讀到畢業出身之後, 有工做, 又可以幫忙減輕.   

問題其實係好睇要出國留學既年輕人本身情況, 對外甥, 我其實都好猶疑, 在這裏不直多說了, 不過既然佢定都決定左, 總要俾年輕人一個機會, 所以都好快改變左心態去支持家姐既決定.  

ponnychan

annie40 發表於 15-4-29 15:10
回覆 Yanamami 的帖子

父母出钱, 也要孩子出力啊! 没有必要你有你的良好意愿, 佢有佢的happy 逃避, 拖拖拉 ...

你用到"逃避"呢兩個字, 正是我怕會發生的隱憂.
外甥初中時, 轉過一次校, 當年的原因是學校老師對他有偏見云云.

前年考DSE, 成績不好, 自修一年, 舊年再考DSE.  夾住兩年DSE成績, 他入不到八大..   

去年九月, 他開始讀副學士, 讀左副學士無幾耐, 就去申請英國大學, 結果又有大學收佢讀year 1.

我其實有疑問, 香港八大都入唔到, 呢d英國大學卻收.   係咪有d濫收, 唔理係咪有足夠能力, 收左先?  

我外甥人算聰明, 但向來唔用功, 而且有逃避傾向, 現實環境稍出問題, 他就想轉新環境.  我其實係擔心, 佢去英國一年, 讀唔成書, 又走番黎.  當然, 用你既角度去睇, 走番黎好過拖落去.  

此外, 這趟他想去英國, 我都覺得係因為同輩壓力之故.  他的堂/表兄弟姐妹姐們, 幾個都已在外國讀書或計劃往外國升學.   美國, 加拿大, 澳州都有, 但幾個往外國升學的, 大都是有當地戶籍的.   

外甥既情況, 我真係唔敢講, 我係怕佢又半途而廢, 又或者無能力完成學位.