言行社 英文

SARIDON

去年3月左右，有朋友介紹，我打電話足足打咗1個月左右，都無人聽 ，有電話錄音但anytime都full晒，後來唯有自己親自上到去，發覺有人得閒但唔會聽電話，做咗booking5月去做assessment，好順利pass咗，但無得選擇星期幾同時間，只可以選擇讀定唔讀(佢真係咁答我的)，佢安排我的小朋友讀星期四下午19:00-21:00，就係咁暑假我的小朋友係言行上英文啦！

上咗堂之後，發覺其實佢地又有好有唔好，佢地的默書可以好深，D生字其實你地間小學未必會用得到，好多同學仔死記，但默完書你多數都唔記得，如果錯字多過1/3要留堂，我記得上一班明明放18:45，有同學默書唔合格，留堂留到差不多22:00，個家長係樓下等，後來改咗啦，要第2日返去留堂。

佢地的功課其實算多同深，起碼有3-5 pages要查字典，Grammar之類深過好多小學，同自己小學所教的英文課程未必match timing，功課只會對答案，不會解釋，我又試過有個好得意的經歷，話說，對答案對得太快，小朋友聽唔切，唯有問同學想對番啦，但我幫我小朋友問咗5個同班同學，大家所對的答案都唔同，其中一個名女校的同學仔，佢話如果自己聽唔切，就tick咗當自己arm咗，我當堂0晒嘴！ 咁再問上一班的同學，其實佢地班的程況跟我小朋友個班的差不多，最後不了了之！

佢地每2個星期有一次作文，其實佢地教作文教得好好，好懂得引導  ！至於默書出貓，我個小朋友個班好好彩我地沒有再補之前都沒有聽見過！


總結：我個人十分欣賞佢地的教材，內容十分豐富，跟街外的補習班不同，我唔覺得佢係補習班，補習班係因應你學習的不足而補，言行係有自己一套教材，比較深一般小學DD啦，適合與否就見仁見智。還有在學習上言行set咗最小係5年級又經過認真的assessment先收你，佢會覺得你得所以唔(就)你，我小朋友話上咁耐堂都係全英文，入咗學校門就唔可以講中文！

我小朋友補了3個月左右，沒有再補了，因為我覺得佢地的課程相對比自己小學深，幫唔到我小朋友係學校攞分，所以無謂浪費時間！