培僑在學生學業上，大有改善空間

2849

我都好明白你想法, 校長在家長晚會都有同各級家長講"唔建議留班" , 自問, 校長咁做都係有好有唔好, 好的就係比機會小朋友, 始終留班真係對小朋友來講係好慘, 我女今年升小六, 聽佢講都有一個男仔留班, 而家成日來我女的小六班房搵佢D舊CLASSMATE玩, 聽落都好心傷, 講真, 成績差又轉唔到校, 唯有留低但要留班, 不過校長都有講, 就算主科2科唔合格, 都可以比小朋友試升班, 但

另一方面,

我又好明白, 學校係學習的地方, 學野先係最緊要, 我深信, 如果家長在家中願意"的起心肝"幫小朋友溫下習, 小朋友成績一定夠升班, 但都真係"只係夠升班囉", 我女在學校成績真係不過不失, 一般般, 自問小女在英文方面已叫唔弱, 但也去唔到人地的VSS班, 中文咁深, 其實有陣時教完成本書, 我個女好似唔知教過咩, 因為我作為家長, 我以前讀中文中學, 睇佢D中文教材, 我都覺得又深又無趣味(六年級讀差不多坊間中二三的內容, 救命!), 也難怪我女好憎中文科, 不過唸深一層, 我地做家長既, 也要在小朋友的學習上幫幫忙, 始終老師對住咁多小朋友, 好難個個都咁關顧, 我明白你都係有心的家長, 希望學校有更多改善空間, 學校其實都有一D補底班(我女是中文補底的) 我唔知成效大唔大, 但起碼我知我女一定要在中文科努力D先至追得上普遍的同學仔, 所以我今年都出去同佢搵補習

2849

小朋友個個學習進度唔同, 有D叻D, 有D學習主動D, 有D屋企資源多D, 有D阿媽唔洗返工可以跟貼D, 有D想同家姐阿哥鬥高分, 有D學生咩活動都唔玩淨係讀書, 有D班主任教得生動D, 興趣自然又大D.........其實小朋友讀得好唔好, 真係可以好多因素, 我反而著眼於老師會唔會因為小朋友成績唔好而放棄佢, 我都明白PKC其實可以係補底方面可以再做得好少少, 我女黎緊都升中, 我聽D師兄師組講, 升中之後真係好忙, 好多時都要補課, 仲有課後活動要玩, 小學同中學真係2個世界, 不過都明既, 學校要省靚個招牌, 學生唔可能永遠都開心愉快學習, 現實係殘酷的, 不過今年親生仔畢業, 成績比得上出面Band 1B, 老師校長都睇得出好努力

2849

每天PKC的功課奇少, 目的也是希望有多D時間比學生閱讀, 呢方面學校真係做得好成功..........唸深一層, 學校比多D功課學生真係好容易, 但佢地無咁做, 校長話呢個做法同PKC的理念背道而馳, 校長年年小一簡介都話學校唔主張大量既抄寫, 校長講得出做得到, 佢要學生多看書, 多D時間出去外面看看世界, 多D上網看資料做PROJECT, 總好過一味對住D中英數常, 學校每逢長假期, 都係得5-6樣功課, 都未係出面學校的一日功課量