hi 各位!
我對聖母有點失望,上星期隔離屋個小朋友媽咪同我講,(幼兒C班)小朋友的婆婆接放學,老師話佢去左洗手間,咁婆婆咪去洗手間搵個小朋友啦!婆婆去到洗手間門口首先見到一個小朋友行出來,婆婆奇怪唔見個孫,行入去搵啦!點知見到自己個孫底褲除左企住不停哭,真係嚇死婆婆,佢當然立即抱走妹妹啦!佢媽媽打電話去學校問老師,點知老師話佢要帶小朋友放學唔得閒同佢去洗手間,又話嬸嬸點點點,總之就推卸責任,而家個小朋友日日返學都喊,當然啦被人留下廁所,我想問頭一個月唔係適應期咩,點解比兩個都係幼班的小朋友一起去洗手間,又想問佢地咁多學生是否不夠人手,每班都30人太多了,如果係我,一定投訴到校長,太過份啦!