救恩 vs 港同

happiemm

我係救恩小學家長，如果2間教學形式類似，應該選港同，救恩無中學直升，我想講，佢地平時係講廣東話，我唔係柴自己學校台，不過直話直說

happiemm

如果你buy活動教學，救恩絕對無呃人，如果你係基督徒，又更加如魚得水，真正活動教學嘅本地小學唔多，港島區似乎得港同和救恩。

happiemm

我講多少少同大家分享，差不多個個月有outing, 去museums, 聽concert, 郊野公園，總之配合教學內容去安排，年尾有增潤週，歡迎家長參與，去年主題係健康生活，一齊去公園玩，做運動，課堂內做話劇，唱歌，跳舞，做手工，煮野食，教的細路咩叫健康食品，的細路煮完又一齊食番，印象非常深刻，我都好impressed, 真係有花心思去落實活動教學，唔係得個講字

happiemm

不過派位就普普通通嗱，我希望比較持平咁同大家分享，大家按自己期望去選擇，唔好搞錯，所以我認為港同有埋中學係好的

happiemm

派位就自己上網睇番，我個人認為就一般般，不過讀得救恩，的家長大部份目標明確，就係唔係只求成績，會注重平衡身心發展。

程度我唔識比較，但教學方法就絕對唔係操練式。

我想講多次，大家最緊要清楚自己要求先去選學校，如果要學術強勁，呢間唔係囉。

happiemm

功課量就每年漸漸加上去，1年級好輕鬆，然後2年級多番的，慢慢適應，默書就真係好輕鬆，每次10個詞語左右，無背默

我估可能有家長認為太輕鬆㖭

Net teacher好似有，不過本地老師嘅水平都好好，老師比較年青，有活力，有愛心。