08/09 K1->09/10 K2->10/11 K3~~繼續傾

Eden_Chit

Isaac_ma,

多謝你讚昊昊呀!

其實昊昊唔係特別叻,只是他有一貫大哥哥的風範,因為他本身是哥哥,有個11個月大的細佬,我成日吩咐他要照顧弱小,所以他的口吻和行為好鬼似個大人,就算係學校,他都好諸事八卦,成日要照顧同學,幫老師做事...現在有機會畀他表現,他實傾盡全力...

Eden_Chit

昊昊都講今日上左去4樓爬繩網,玩滑梯,而且他話2樓同3樓係高班哥哥姐姐的課室,唔可以去嫁,真係好得意

今日陳老師派左活動冊,我們回家後立即做功課,做到p.2提到:小朋友哭時,你會點做呀?昊昊竟然話:要乖乖坐在座位上,不要說話,要陳老師叫名,才可以起身,所以我沒有理會其他小朋友哭泣,我會坐在座位上望住他囉(超搞笑)

Eden_Chit

早兩日,我老公再去培正接阿仔放學,聽他講,上幼望班在陳老師的教導下,好守秩序,陳老師只簡單一句:小朋友出來排隊,所有同學即每兩個一行排成直線,行動仲好快,完全冇走錯位添!
(呢種真係傳統學校的好處:好守紀律)

Eden_Chit

twotwo,

昊昊唔係叻,佢只係搞笑咋!最初佢死都唔肯圈,因為佢堅持話,有小朋友喊,我係唔可以離開座位,因為陳老師冇叫我嘛,要等我講多幾輪道理,佢至肯貪得意圈咋,佢仲多口問句:點解剩係圈,唔使填顏色既?

Eden_Chit

吓,原來校車開車前咁焗,真係要提醒小朋友當覺得熱時,要自己除外套(不過很多時候,他們都唔識自己除外套)

Eden_Chit

各位媽咪,

我想請問:如要當日請病假,係咪要在上課前致電到學校,通知陳老師呢?仲駛唔駛填手冊請假呢?(我睇昊昊呢兩日都開始作病了 )

Eden_Chit

Graham,mchan89,

謝謝你們的提醒

Eden_Chit

原來上望班有很多小朋友病了,難怪昊昊上星期五放學回來就流鼻水,幸好今日已好轉,不過,細佬bb就無咁好彩,哥哥把病菌帶給細佬,令他發燒,咳,流鼻水...好慘呀,我已兩晚無覺好瞓,希望今晚有得瞓啦!

另外,想問一下大家,你們有否發覺學校或校車有蚊呢?今日,我接昊昊校車時,發現他腳上有兩大處蚊'難",另手腕又有一粒,我諗,明天開始,我要幫阿仔塗蚊怕水先.你們都要防蚊呀,記住!

Eden_Chit

尋日昊昊話畀我知,他在學校填色,圖畫係一個書包,做好之後,老師就收番!

唉,昊昊尋晚同我投訴,在他大象組的同學仔好靜,因為昊昊very talkative,他話每次同左右兩邊的女同學講嘢,她們都完全唔睬他,好悶喎!

Eden_Chit

洵媽,

你講得無錯,平時陳老師係唔畀隨便傾計,昊昊話,他填色和食茶點時,問吓人會用咩顏色?你今日食乜野?都冇人睬他,又真係幾悶既!

Eden_Chit

mchan89,

唔好意思,我想問吓陳老師在甚麼情況下找你呢?(因為由上學至今,我都冇收過陳老師電話,我都好想知昊昊上課的情形,但若主動打電話畀陳老師,又怕打擾她的工作.)謝謝你.

Eden_Chit

洵媽,

謝謝你呀,等我都試試在手冊寫上問題,與陳老師聯絡先,真係謝謝你通風報訊

Eden_Chit

洵媽,

謝謝你呀,等我都試試在手冊寫上問題,與陳老師聯絡先,真係謝謝你通風報訊

Eden_Chit

洵媽,

謝謝你呀,等我都試試在手冊寫上問題,與陳老師聯絡先,真係要謝謝你通風報訊

Eden_Chit

聰明的洵媽,你無記錯!

Eden_Chit

講真,當我每晚跟昊昊pillow talking,問他鍾唔鍾意返學,他總會回答我:我鍾意返學,但唔鍾意返培正幼稚園,因為他覺得返學好悶,一來唔准傾計,二來又少四圍走動的時間(我指PE Lesson),對一個3歲的小朋友來講,確實幾悶蛋! 希望以後會有改進啦!

Eden_Chit

尋日問昊昊上堂教左乜?他只係話:老師派了一張畫有"ball"的紙畀他們填色,冇教到書喎.唉! 真係幾無聊!

Eden_Chit

剛剛跟陳老師通完電話,原來他們每日的上課編排很忙,例如茶點後,會有一小段自由談天時間,讓小朋友跟左右兩旁同學仔聯誼 (因為在編排座位上,是一位細仔,一位大仔,如此類推咁坐,但進食時不准談話);每天都有一節自由活動時間,小朋友可以按興趣到家庭角,談心角,自然角等等玩一陣,另外每當上英語課和故事課,都會坐出課室中央上課,要學習專注力(又不准談話)......陳老師話星期六會詳細讓我們知道rundown喎!

不過,陳老師投訴小兒常常在不適當的時間談話,可以傾計的時間又獨自玩耍喎,真係畀阿仔激親

Eden_Chit

漏了一件事通知大家,陳老師話,sat的'節目'只歡迎家長,小朋友係毋須出席呀!

[ 本帖最後由 Eden_Chit 於 08-9-25 16:14 編輯 ]

Eden_Chit

mimi_ma,

我都會做家長義工,至於我填哪一項,我要問問昊爸會否參與,因為他都有時間做義工.

星期六,我會自己出席,到時我會戴紅色粗框眼鏡,到時見!