小朋友於06/07年度升小三的家長們 - 兩年時間轉眼過，得閒入o黎傾吓笑

麟媽媽

肥仔媽咪，

你一睇就知佢地重磅啦！
白色Obi 12磅有多，啡色Marco 10磅，
佢地真係仲大隻過我隔離屋隻狗仔架。
佢地係波斯 / 異短類所以真係唔多四圍跳架，
我仔都夠晒活躍，如果貓都係咁我頭都大喇！！
佢兩個都係貓公公黎架，閹左身體好D 嘛。

麟媽媽

AE_bb,

我仔今朝出門口時都未落出雨架，
如果遲一個鐘我都叫佢唔好去囉。
好在頭先12點零鐘個天光番D，
細雨D，唔係真係煩死黎。

麟媽媽

我老公話物似主人型喎，
兩隻貓扁口扁面又肥仲唔願郁，
話似到我十足十，正衰佬！

麟媽媽

今朝個仔上堂我工人又唔買埋送，
家下問我出去買得唔得喎？
嬲得我梗係唔得喇！
佢買送要帶埋我個仔出去，
你話佢要擔遮又要拎送，
仲邊有手拖我個仔？
而家我叫佢唔使買喇，
放工等我睇下仲有無送賣喇！

麟媽媽

陰功囉！跌損腳…..
叫亞姐姐同佢消毒先，
唔係感染細菌仲煩呀！

LULU-MAK 寫道:
亞囡比風吹跌整親兩個菠羅蓋,     鬼叫   

麟媽媽

講開做家務，今日好無心機呀！
賓姐早幾日返左祖家放假，
琴日星期日咪要做家務囉！
洗左兩機衫，之後掠左出去，
收左D 衫摺好，叫亞仔放入房時佢問︰
媽咪！點解 T 恤咁「巢」既？平時姐姐燙好直架！
我話係咩…？！之後咪係度燙衫，好鬼多！
燙完又要吸塵….有幾隻碟亞仔話不如幫我洗，
咁我話好喇，吸完塵入廚房…見亞仔除晒衫！！
天啊！！我成個地都係水呀！亞呀….攪咩鬼？！
我都無氣講左聲︰「洗完拿？唔該晒喎…」
之後亞仔好開心走左出去，我執起佢件濕既睡衣。
橫掂都濕晒，不如抹埋廚房同個地喇…
抹完地之後坐一陣…..弊！仲有兩隻貓喎，
之後又去清砂盆，倒晒D 砂又洗擦乾淨，
D 貓好怕烏糟，佢地個御廁一定要乾淨架！
整完晒都差不多兩、三點，我早餐都未食，
亞仔就食左大大碗粟米片，我老公仲訓緊呀！！

琴晚我隻右手好酸痛呀！半夜都痛醒…..
都怪我平日少運動，咁樣郁吓隻手都攪到咁，
而家都仲痛，個肩膀又好鬼攰....賓姐你幾時返？

[quote]
AE_bb 寫道:
講開半夜起身抺水, 我都試過一次好好笑, 話說當時冇工人, 又唔記得關

麟媽媽

你可以同埋個女返公司呀？你老板咁好既。
我亞仔一定唔得，佢會亂咁走架！
而家日日都係跟婆婆囉，去足球班我Daddy 同佢去，
我媽咪又係教堂做義工既，佢都唔方便帶埋亞仔，
去探訪時佢又亂咁走真係唔知點算？！

呢幾日做完家務條腰又唔掂喇！醫生話叫老公做喇！
我都話好難囉....我而家唔用吸塵機囉，
吸完仲要做一餐，倒水又要洗番D parts！
而家我用掃把掃左睇到既垃圾，
之後用除塵紙拖把，快好多又無咁重要拉！！

Charitymami 寫道:
下星期姐姐開始放大假, 好彩阿囡Ｄ暑期活動差不多完結, 到時我都要帶女返工, 我公司冇 game 玩 ga. 真係返黎要做 office girl, 幫手遞下文件, copy & fax ar.  

麟媽媽

我都係Osim 囉，平日工人攪既。
除塵紙好用呀，痴左好多貓毛架！
地我都一定抹喇，一來亞仔成日坐地，
第二D 貓行完地又”lam”手腳，
食左烏糟野落肚又唔係咁好囉，
其實D 抹地劑咪話唔使過水既，
你地係咪都唔過水架？唔過我驚仲有係地咁樣….

麟媽媽

呢個野無咩用，我有好多貓友都買左，
D 除塵紙都未用完個機已經壞左，
用除塵紙拖把都好易又快，好方便，
呢個自動野好似D 玩具車仔撞牆彈開，
係個地亂走一通，未必乾淨的，
買黎當玩具比兩隻貓追黎玩都唔錯既。

ha8mo 寫道:
最近街邊咪有D用個彈彈波推郁一個罩
然後罩底既除塵紙就晌地上吸塵
D推銷員話就咁放set野任佢彈就可以掃塵
你地信唔信佢真係WORK？
真係夠力吸塵？

麟媽媽

Easy媽咪，

你咁捨得買Rainbow 既？
我睇過都好想買呀！
但老公問我除左吸塵仲可以點用？
我咪話吸埋床褥好正喎！
跟住佢又問我床褥幾錢？
我咪話六千幾囉！
咁個衰公話不如買過張床褥喇，
話D 錢夠買3 張新架喎！幾乞人憎！
之後出左Osim 幾千蚊先至買咋！

麟媽媽

Easy媽咪，

係囉！亞仔三、四歲時氣管敏感都幾嚴重，我咪想買囉，
不過而家好左好多喇，尤其是定時踢波佢心肺強左好多。
肥仔媽咪，Osim 都有一個床褥用既拍把架，但無Rainbow 咁強力，我地都定時吸吓喇，水面浮住一層米黃既泡沫，好鬼核突架！

麟媽媽

仲有唔到3 星期暑假又放完喇！
而家暑假亞仔D 活動都係9am 既，
等佢習慣早D 起身，9月六點多D 便要起身喇！
佢係暑期班度有人教佢「鋤大弟」，
佢近排愛上左喎！晚晚捉住我同老公陪佢玩！
亞仔要玩又唔輸得，我老公琴晚3 炒亞仔，
佢仲衰到用個excel 做記錄，亞仔有兩「弟」又唔出，
佢愈諗愈唔開心叫daddy 唔好計呢舖，之後哇哇喊囉！
我話唔開心咪玩了…佢又即刻收聲”E”起棚牙，
話我唔喊喇！！唔該快D 派牌！比佢激死。

麟媽媽

我用過超輕包書膠喎，
係薄但好滑身架，
疊起D 書會「冼」晒落黎。
上年包晒D 書老師先話唔好包作業喎，
咪係改簿時D 簿疊唔起囉。
所以今年唔包作業，用膠紙包四隻角算數。
書都會包既，但仲欠成二十本，
等學校派埋先一次過整。

AE_bb 寫道:
CHUCHU

我考慮緊今年唔幫個大仔包書喇, 因為d書都好重下, 如果再包書, 即係放多卷包書膠落個書包到........

我見出面有d超輕包書膠, 你有冇用過呀

麟媽媽

而家D 作業簿好多已經係過左膠面架喇，
咁佢地用得粗好多時都係D 角爆開同埋屈爛咁，
如果老師唔比包書，咁用透明膠紙打斜痴隻角，
兩邊膠紙尾向後痴住封面頁底，咁樣隻角咪唔會爛囉。

肥仔媽咪 寫道:
[quote]
麟媽媽 寫道:

所以今年唔包作業，用膠紙包四隻角算數。

點樣包四隻角呀?
[/quote]

麟媽媽

LULU-MAK,

唔好擔心，放鬆心情，手術會好順利的！

LULU-MAK 寫道:
我終於BOOK佐E生下星期三做手術, 但星期一要一早入院CHECK埋另外果邊條甲狀腺駛唔CUT埋, 個REPORT要星期二晚先知, 我家陣一唸起就好唔開心, 好煩, 所以我先咁遲同你地講.

麟媽媽

好耐無同大家傾計了！
祝各位小朋友學業進步！
最緊要身體健康！！
carollam310，
你亞女大左好多，
時間過得好快啊！

麟媽媽

Carollam310,

女仔同男仔真係唔同既，
我仔又係生得高，
佢直頭無興趣玩細路野，
一開始走去排過山車、鬼屋…..
仲膽粗到去玩跳樓機！
我唔比架！佢老豆先同佢癲！
幾多年青人圍觀仲拍晒手！
佢落黎面都青晒，個頭塞埋我心口….
之後青年人散開，佢「嘩！」一聲喊左出黎！
高就好似好高....但細蚊仔始終係細蚊仔囉！

麟媽媽

Carollam310,

哈哈！咁你個女嗰日咪喊左好多次？
我個仔無有怕，過山車玩左N 次，
剩係跳樓機佢頂唔住！
佢讀左男校2-3 年，變左好粗豪，
有時同D 女仔玩又粗手粗腳！
我成日提佢同女仔玩唔同男仔架，
所以佢仲係唔鐘意同女仔玩，
話就算女仔唔啱在先，佢一喊呢，
又變左男仔唔啱喎！
我同亞仔講，做男人係咁架喇，要有風度，
你唔見Daddy 咩都聽晒我講架咩？

麟媽媽

等我整張亞仔近照比大家睇吓，
佢都大個左好多。
左手邊係我黎既，比我cut 左！
大家睇唔睇到我一忽肥面？呵呵~~

麟媽媽

肥仔媽咪，

你一講彩虹天梯我就想笑了！
我見到條長梯都唔想玩了，
行到上頂我都上氣唔接下氣啦！
咁又係我家老爺陪大少玩啦！
我老公落到黎話︰好快呀，老婆！
亞仔又話︰唔係好快啫！！
我話你個人重呀！咪衝得快過亞仔囉，肥佬！