Co-Ed/QC/喇沙? (幫朋友問)

BBKDWLAM

vckchoy 發表於 17-10-3 00:21
識一個R痕幾年了

喇小去QC，真係少，知幾年前有一個，聽聞級三內的，其餘會考慮跳船的多考慮SPCC。

大家少提及的分別仲有學校氣氛，始終係男／男女校，有啲係斯文啲; 基督/天主/官立，始終管理唔同; 4／7班的分別，有啲係冷清啲，但唔排除出位機會多啲。

三間學校的換血率同提早出國讀書的比率應該好唔同，亦會微調學校成績。例如今年LSC有個原本升F5的但直入中大醫可能已令LSC
後年出唔到個狀元。另，可能EK高手可以統計下學生讀到尾畢業的比率，我會估QC係最高的，成績最差的仍會在港考DSE，相反如在SPCC，應該已提早出國了（始終大部份學生根本無需申請資助的，由小學上的更加唔使講），所以留下考DSE的都係較有信心的。

好多嘢無絕對答案的，係適合與否，有時學校運動好亦唔代表你可以多啲參與。例如因為籃球場係得咁多個，你籃球好，係LSC可能打到學界的頂級賽事，好有滿足感；但你籃球唔好但又想lunch玩下，係LSC，每級7班用兩個籃球場，高手如雲情況下，平時你可能籃球場都無法走埋去。泳池/網球場／足球場/田徑場係香港真係罕有，唔去LSC去邊? 但如你只喜歡童軍或天文活動，可能去QC仲開心。但有好多活動（如辯論），有男有女，效果應該好啲。

BBKDWLAM

Minionboy 發表於 17-10-3 11:23
泳池/網球場／足球場/田徑場....重有間中央圖書館

QC 附近都有整， 雖然吾係學校擁有，但要用也很方便。QC ...

維園足球場最實用，波牛可踢足早午晚。其餘的應該好少用。偶然PE堂去游水或去維園跑圈都有，但可能一兩年先一次。
公道講，LSC自己有泳池，網球場，田徑場係唔同的，因免費同埋得自己友玩，學生先會經常用。
中央圖書館係方便的，放學須便借書還書。
講開又講，QC最利害武器應該有兩樣。
係校園較開放自由，好多聯校會議同活動採排同學都鍾意係QC，所以同好多學校/同學好多民間交流。因有QC夜校，晚上唔關門，中六學生好鐘意留校讀書，班房放學後都變成圍內的自修室，學生有場合互相解難請教。
另外一定係獎學金，考夠**全免讀大學。如讀醫六年，攞幾十萬，對草根階層真係奮發目標。

BBKDWLAM

hkpapa852 發表於 17-10-3 09:24
其實入讀3大比例只係一個參考, 同幾多人讀醫科一樣, 唔可以肯定學校之間既水平差異.

QC同LSC, 其實根本無 ...

比多啲資料你做填充

17-10-4 16:45 上傳

下載附件 (141.25 KB)

17-10-4 16:45 上傳

下載附件 (142.21 KB)

17-10-4 16:45 上傳

下載附件 (174.88 KB)

BBKDWLAM

b3410 發表於 17-10-4 17:55
有冇其他年份的？

這些資料原本就是公開的

17-10-4 18:12 上傳

下載附件 (131.98 KB)

17-10-4 18:12 上傳

下載附件 (120.92 KB)

17-10-4 18:12 上傳

下載附件 (103.9 KB)

BBKDWLAM

b3410 發表於 17-10-4 18:31
留意到每年QC130人讀chem，也就是130/180 ～ 70% 的學生中四可以揀科，讀有chem的組合？ ...

現在得四班，開三班Phy同Chem, 理論上可以75%

BBKDWLAM

Hellomimi112 發表於 17-10-8 11:57
邊間小學咁吸引要買定校服辨學生？

舊年有單新聞有個普通中學女生同個男拔生拍拖，女生驚高攀唔起走去女 ...

“買”本校薄攪到報警？又好似有啲誇張

BBKDWLAM

王家爸爸 發表於 17-10-8 12:30
豐昌順有得買。

建議買風褸/PE衫，得閒可以著出街充下

BBKDWLAM

b3410 發表於 17-10-8 12:39
問識唔識唱校歌

有心人會上Youtube學埋

BBKDWLAM

hkpapa852 發表於 17-10-9 09:02
咦.... 我淨係識: 地記, 卜記, 高雷同威靈頓

呢4間仲有間健在

地記前身St John已經打響咗名堂，加埋新法，威記同O記，呢啲都係當時得令嘅港島區名校。

BBKDWLAM

retriever 發表於 17-10-10 13:27
你講既 SPCC 離校率，但不等於換血率。因為走左人可以唔收。

根據官網，F2－F5，好似佢地舊年收左共12個 ...

假設換入的都是用成績入的，對DSE的5+率影響輕微，因SPCC平均水準原本都超高。但如有5**率統計就會明顯啲，亦會影響對入讀神科人數。

點解咁講，我亂咁計下，請大家指正，唔知思路有無錯：

當SPCC一級200人，換入12人即6%度。

我知有個去咗SPCC嘅QC逃兵，比對QC校內名次同DSE成績，估計係5科5**的水準，保守啲當佢係4科5**的材料。

近年QC考到4科5**以上的學生大約都係得8-12%，呢批學生基本上都係可以入讀神科的。現時QC換入率係0%, 假設可以換入6%(8人), 即4科5**以上比率會變為14-18%，入神科的人亦可以直接增加8個。

誇張啲，用此消彼長方式諗下，SPCC如唔可以換血減12個醫學院，QC可以換血加多8個醫學院，即時和宜家情況有20個醫學院人數落差，個感覺就會出到嚟。

(純粹討論)

BBKDWLAM

Soundervolt 發表於 17-10-10 15:36
本帖最後由 Soundervolt 於 17-10-10 17:01 編輯

點解估計QC換血率係0%? 而且入神科除咗睇成績，仲要睇 ...

QC唔收插班，只淨流出。過咗S1最後叩門就封盤，有時開學名單連144都唔足，畢業剩幾多就幾多。

BBKDWLAM

retriever 發表於 17-10-10 17:29
唔係一級插入12 人。 係F2－F5，共收插班12－13人(今年舊年數據)。

今年畢業人數好似係 112＋59

F2-F5有四級，但每級都有四年收生，其實數學上的平均咪一樣。

BBKDWLAM

NeoMom 發表於 17-10-10 15:35
好奇想知點解SPCC有咁強大吸力, 老實講, 講名氣QC/LS等絕不輸蝕, 為何要放棄熟識的環境轉過去
...

無人知，但想讀男女校，都可以係一個好直接簡單的原因。

BBKDWLAM

retriever 發表於 17-10-10 19:57
佢哋學校收插班每年都有公佈。

你可以去佢哋學校官網，跟縱佢哋公佈4 年，係咪如你想像。。。

點解講讀醫人數?只係一個概括但具體，不過又好現實的例子供大家容易討論啫。

讀醫基本門檻高，一般是37分以上的尖子，現實咁啱又係大部份尖子的選擇，人數又較容易搵到，附合討論神校插班生的情況，容易比較啫，無咩特別。

其實我反對逢尖子都選醫科的態度，只係想討論下有能力選醫科的大約學生人數。插班生是否真的全部選醫科唔重要，只要兩間學校的尖子選科態度接近就得，咪當一樣囉！因為都係睇一個比例啫！

（其實都係隨便傾下，並非精密科學）

BBKDWLAM

hkpapa852 發表於 17-10-10 15:44
SPCC 小學一級 ~140人, 中學一級~200人, 剩計小一時已可加入額外 1/3 街外尖子

對。
不過QC中一都收咗30%尖子，其餘的就要靠負責青訓的三間官小同....個天。

跟住大家可能可以開始繼續離題咁討論負責三間中學的青訓單位

不過應該無得比

BBKDWLAM

abioole 發表於 17-11-28 13:21
回覆 BBKDWLAM 的帖子

例如今年LSC有個原本升F5的但直入中大醫可能已令LSC後年出唔到個狀元。

只知佢數學好叻，但唔清楚係咪自己考GCE AL報中大。

早兩年有兩個天才兄弟一齊提早入中大係用AL成績的。

BBKDWLAM

abioole 發表於 17-11-28 13:48
回覆 BBKDWLAM 的帖子

嘩、咁即係要在中五報考GCE／AL去同中六既NON－JUPAS／IB考生爭。　真係勁。　 ...

佢哋係中四考