Thanks all for comments

sheffield

樓主想得太多了！
私小只是某D科教快一點，如小朋友上堂有聽書，家長肯認真同小朋有考試前溫下書，其實唔係真係好谷。私小難在密集式評估日或默書，小朋友差不多個個星期都要溫書，而且要溫得好熟才可高分，因為評估時間短，卷唔短，要快而準。但每次的量唔算多。如唔喜歡呢種模式又或者適應唔到就早d轉校。如接受到又做到，成績keep到，升中選擇好多。今年級頭幾個DG and Coed都收了，最終4個選coed，1個選DG. marymount都5-6個，st paul convent有4個，st mary 1個，YW幾好似4個，同shcc差不多的ssgc都有5個，…相信多是自行的，因為乙一大家都要保障所以填shcc，甲部都有可能，但甲一好多都是YW…所以樓主唔使諗太多，如小朋友到5年後有B1A成績，可以去考B1A的學校，如沒有B1A的成績，返到書院已經要感恩有書院做後盾！
至於書院banding下滑，你見上面沒有回書院的人數可能係其中一個原因，但不是唯一原因。很多老牌名校都有banding下滑的情況。新教學模式的學校多了，不少second tier的學校進步了，叻學生多了選擇，可以按自己的性格、宗教和住地點去選取。再者，老牌名校的學生唔少生於中產家庭，不少都預左打好個底，中四中五就出國，又或者dse考得唔好就出國，不少學生都少了一定要考好dse的壓力。但無論如何，真正原因肯定不只一兩個，也不可能完全知道，樓主冇需要執著找到答案了！比心機讀好之後的幾年，到時看到孩子的真正性格同成績再去研究書院是否適合孩子吧！

sheffield

最終入的只有3-4個，但名次都不是算前的。所以私小的小朋友其實出路不錯。講多兩句，私小中上游的成績其實差得不遠，一個唔好彩計錯2題數就可以冇左十名。

sheffield

但學校的競爭氣氛唔大。學校也不製造競爭氣氛，什麼都低調處理，一般只是阿媽自己在家緊張好大部分囡都係好簡單同單純，視分數如糞土，到呈分才如夢初醒，知道原來1分好緊要