九龍塘金巴倫道迦南

sheffield

我亞b也是讀九龍塘迦南的PN，也認為這是一間好學校。特別在訓練自理方面，他們的確很好。我知有很多PN班的茶點都是吃餅或飽等，但迦南在11月開始已加入熱食如通粉和粥等，讓小朋有學習自已用湯匙進食熱食。我亞b自己進食沒問題，但就有偏食。佢試過因為老師要佢食粥裡的栗米和食其他佢唔鍾意食的食物而唔想返學。但經我們(老師和我)商量後，都認同老師的想法，就是唔食唔緊要，但起碼要試。老師同我個女再傾偈，我地又係屋企多鼓勵，有日亞女返黎話老師餵佢食栗米，佢試左仲吞左落肚，好開心。自始，佢就好開心咁返學，如當日食左d佢唔鍾意食嘅野，老師都會讚佢。所以就算佢好唔想食，佢都會食少少，這也是老師的目標。
好抱歉的，我們也會到別的學樣讀K1，因有一條龍學校收左…否則，迦南也是一間理想的幼稚園。
提外話，昨天我們拿了一盆吉仔(毛公仔擺設)，亞b好開為攞人佢自己房話"大吉大利"，我們很意外，又覺得好好笑，原來佢話係老師教，仲有心想事成，還有動作做的呢！

sheffield

佢地一開始就有NET的，按我個女講是Miss Joey，我個又話有普通話老師…。我也有在上學期初跟老師求正過，老師都話每個星期都有英文堂，英文是課程之一，是miss joey，但就沒有普通話堂，只是間中會有普通話老師同佢地一齊上下堂，所以我個女近來都有唱下普通話嘅歌…

原帖由 EggEgg08 於 10-2-8 15:07 發表
Dear sheffield, 好多謝你咁詳細的資料, 我想問下以你所知pn班有沒有英文& PTH 堂? 係唔係net 教? (因之前有d媽咪話有, 有d話冇....好confused tim)

sheffield

按我所知的，迦南的程度屬中等，用的書和劍明和其他幾間的一樣(包括學之園)。但每間學樣都有自己的長處和短處，雖用同一種書，但學之園的賣點就是英普，所以PN已開始學letterland的phonics，當然學費也比迦南高！而迦南的校園，就是我見過最好的一間，佢地學費都唔算貴，亞b仲話老師教佢踏單車，所以佢依加識踏單車呢！我身邊有讀過迦南(九龍堂迦南)的人，都認為這是好學校，但始終他們跟別的名小學關係不是太緊密，所以有多人就是讀PN讀得很好，只要考到能上好小學的幼稚園都會走…
當然，迦南一樣有小朋友考到好的小學，但都要看一下小朋友的校網…
老實說，我亞b最初收到KV的取錄信，亞B爸爸都情願留在迦南(他不喜歡KV那個小小操場的兩個冷冰冰鋼架和滑梯)，但因後來又有培正的offer，所以才決定離開，其實我地已經有d唔捨得呢！

sheffield

我亞b是金組的。
不得不提，如是坐校車的，小朋友都會好開心，因為個個都好鍾意鴨鴨巴士！我個女初初係我地送返學，比佢坐校巴放學，但佢好鍾意坐鴨鴨巴士，所以兩個月之後就轉埋坐校巴返學！這的確能讓他獨立點，在搭巴士其間也能讓她跟別的小朋友有機會建立社交關係，現在她一上車就同小朋友玩同傾偈呢！
唔好睇少隻鴨，隻鴨幫小朋友在短時間之內建立了對學校的歸屬感，當我地話要著佢件鴨鴨校服，或搭鴨鴨巴士，佢都會話"唔得"，"係迦南幼兒園嘅小朋友至可以著/搭"！

sheffield

我一路寫，一路諗亞b好快就要重新適應另一間幼稚園，再冇鴨鴨巴士坐，我都覺得好慘…佢歲半就開始返迦南playgroup...by the time佢離開迦南係3歲3個月，迦南都陪左佢差不多兩年呢！