聽到都驚.....

ronkslee

又到一年一度嘅幼稚園入學面試啦, 唔單止每個父母緊張, 亞爺亞麻緊張, 成家都緊張, 攪到個細路都緊張.... 點知個小朋友, 問咩都答唔出, 講單字都困難, 更加講唔上講成句啦... 個人慨嘆香港好多學校, 由幼稚園到中學, 死谷難谷, 要培養嘅唔係一個社會棟樑, 而係要一個比一個更勁嘅天才, 要IQ有150以上... (連工人都奇怪香港嘅教育), 因此, 攪到好多偉大的父母要跳樓(真有其事)....究竟, 辦學校的是有沒有用心去想想各父母的壓力呢?還是只是為校爭光? 記得一次睇完一本2009幼稚園入學指南, 其中便介紹香港某某名校的幼稚園入學面試, 現想同大家分享一下: 佢地會派一D圖畫CARD比小朋友, 叫小朋友由CARD中圖畫去組織一個故事然後講出來. 另外, 佢地又會再派一D圖畫card比小朋友, 叫佢地講出CARD中圖畫的先後次序. 例如: 一棵樹, 一片樹葉, 咁就會問佢地點樣生長, 點樣會有樹葉, 點樣會由樹上跌落地. 唔知大家聽了之後會唔會好氣餒(自己個仔女連單字都未講到), 或好非議所思....但本書咁寫.你都冇說話好講.
其實, 我地做父母要仔女係咩?係天才, 要成全港最叻定全世界最叻嘅人?定要佢有個開心快樂的成長生活, 等佢在父母嘅愛及歡樂中, 找到自己嘅未來?
但呢D書如果寫的是事實, 真係聽到都驚. 因為, 考到入學, 都唔知讀唔讀得上!

ronkslee

tantanmama :
其實我都明白每個小寶寶都係父母心目中嘅寶貝, 因此就會好想將個小朋友嘅野同身邊朋友去分享. 講到好似天才咁. 其實有冇跨大其能, 相信個父母都不以為意講得勁咗....攪到身邊朋友以為自己果個係智慧比人低. 好似你講個CASE我都遇過, 點知當我見到個小朋友再問一問佢同一問題時, 原來你亞爸講一句, 佢就跟一句, 只係模仿大人. 並唔係咩A-Z, 1-20, 天氣, 顏色咩都識, 係自己講......
因此, 各位家長當遇到呢D朋友時, 應該歡懷的去接受, 唔好唔開心自己的小朋友不如人.... 因最重要係, 小朋友有個快樂成長及一對鍚自己嘅父母...係咪??

ronkslee

SPAIN:
同意你嘅講法, 記得一次當亞女一歲時打電話去一間國際學校問資料, 當時被一位女性老師當頭捧喝: 人生太多時間去學習啦, 何必緊張, 倒不如多D時間去珍惜大家相處時間, 因為, 將來你想佢多D時間陪你佢都未必得閒啦......

ronkslee

tantanmama :

我相信你個女一定好幸福, 因為佢有一個鍚佢嘅天使, 鍚佢嘅媽咪, 呢樣, 比任何東西都更珍貴.....

ronkslee

相信並不是本人誇張, 而是書中記載,而且, 本人囡囡都冇讀書, 只是看到書中所寫有感而發, 如果現實N1及K1係唔會有呢D問題? 咁其寫出來目的何在?

原帖由 brrbaby2007 於 10-8-31 10:52 發表


另外，現實考N1同K1係唔會問呢d問題，冇謂誇張化

ronkslee

誰個父母不想天天陪伴兒女? 誰個父母不想時時刻刻教導子女事物變化, 相信天天帶兒女晨運? 未天光已兩公婆要趕著上班了, 回家接得女兒回家天也黑. 沒有父母是懶惰, 只是家家有本難諗的經......一兩歲才學識行路, 嘢都未識講得好叻, 只係牙牙學語時, 便掌握了四季變化? 真利害....

原帖由 小曳人 於 10-9-1 11:47 發表
响大仔一歲至兩歲半 (返N1前) 除非天氣好差, 我地每日都落樓行晨運, 所以四季改變, 種子/植物嘅關係, 已經响日常生活學到, 因為係學習生活上接觸到嘅嘢, 所以一d都無問題, 好有趣添~

所以, 我唔覺得樓主講嗰d面試問 ...