考了一間少功課小學，惡夢開始？

茄子

我覺得多閱讀，理解能力、寫作能力一定好。我阿女今年5歲幾，下年讀小一。佢一年前已唔俾我伴讀。佢中、英文閱讀能力都好，成績在班中數一數二。我在默書做評估考試前都冇點同佢温(英文直頭唔理佢，中文字較難寫要温下)。因此我好認同你的做法。
但我認為做下補充都冇壞。暑假唔好俾小朋友太hea，做一兩本囉。(上次同阿女去書局，見到個家長帶住個同我個女一樣大的小朋友，買成7、8本練習，她女兒想買圖書又唔俾。佢同我講佢個女閱讀好叻，仲介紹我買補充。我真係想話佢咁教係唔。我見佢個女睇個D書好淺，閱讀能力好一般，但佢又做D嘢壓抑女兒閱讀興趣！真係唔知佢點諗！)
至於考公開試方面，如果唔太迫個小朋友，只係做下pass paper，想睇下孩子的程度都無妨。最重要是唔好要小朋友係咁操練習，成效不大(閱讀好，grammer自然錯得少)。
你同太太傾傾時間安排及對子女的期望問題啦，要互相遷就呀！(我啱啱同老公傾過以上問題。我老公是較谷的，想阿女在小學考得好，我都想，但唔想俾太大壓力佢，只要成績中上都接受。我唔打算小學補習、功課輔導，但可能會一星期一次跟外國人學口語，keep住佢oral。我老公都贊成我的做法。)