- 在線時間
- 1077 小時
- 最後登錄
- 24-6-5
- 國民生產力
- 569
- 附加生產力
- 2249
- 貢獻生產力
- 0
- 註冊時間
- 70-1-1
- 閱讀權限
- 10
- 帖子
- 8439
- 主題
- 142
- 精華
- 0
- 積分
- 11257
- UID
- 1842
|
原文章由 TTJTMaMa 於 08-6-11 18:30 發表
小學根基好重要, no test and no exam 唔等於無壓力和開心, 我相信我們都是全統教育成長的, 小朋友只會越來越懶, 所以一定要keep實
我諗老師有無心去教都好重要,我女入黎呢幾年,係最難搞既幾年,好好彩每級既老師都好專重學生,老師既質素亦都好高(我女遇到果d啦下),如果你話老師無乜點理學生,就唔敢認同,我女越大就越大頭蝦,老師可以留底叫佢搞掂晒d野先比佢走,老師已盡量做到佢要做的,通常咁既情況,老師都係好不滿個學生,但..........老師一路都係鼓勵佢,連我呢個阿媽,都話個女成日呢樣唔記得帶,呢樣唔記得做(我女唔係唔做)今日仲係我面前讚個女好有進步,搞到佢好有心機,但個女有幾進步,唔通個阿媽唔知咩.....有時見到老師都有留到七點都話仲有野要做的....唔係想像中日日可以三四點走人,我諗應該係寬人嚴己的,對別人不要太要求,佢都有屋企人,無理由話佢做學校應該好忙,要晚晚八九點先完成學校野,咁先安樂的
對於你話有無exam,自己同學校既理念問題,個小朋友既性格問題,唔係話無壓力一定好,亦都唔係一定唔好,有無壓力等於開心/唔開心嗎?無絕對答案,亦唔好自設答案,我女絕對係適合無壓力既學校......另外,我同學校理念好相近,我最憎人地成日問我女考第幾......身邊既親戚成日炫耀有幾叻.......就問我女考第幾....我一概話無名次....你要知我女咩程度.....平時都可以睇得出啦
最後,選學校既野,要適合自己......即係我成日都話....我大女係某校讀得唔理想,但唔等於細女一樣,結果如我所料,同一所學校,細女唔駛讀書咁既狀態,都可以考全級廿幾名,大女則要用多幾倍時間做功課........係一間學校讀得好唔好,細路既資質佔好重要既因素,即係咁,係程度普遍中等既學校,裏面便沒有程度高的學生嗎?當然有啦........以前有間叫灣仔小學(而家好似無左啦),我朋友就考到bps啦,唔係搞珠架......
仲有,呢度並唔係no test & no exam, 係p.1-3 80%測驗+20%project/平時分, p.4-6 80%測驗&考試 + 20% project/平時分
[ 本文章最後由 Sindy 於 08-6-11 20:02 編輯 ] |
|