煩惱

apple~y

我上年都生0左妹妹
妹妹現在14個月大,發展都唔錯,
眼神接觸很好,知道自己個名,一叫名即望過來,反應好快
開始明白簡單指令,可以跟做簡單動作,鍾意手指指
同哥哥當年發展一個天,一個地
放下心頭大石

當我教哥哥感到沮喪時,妹妹就係我精神之柱
而且哥哥都錫妹妹,時時主動分享玩具比妹妹
不過我當年有妹妹時未知哥哥的問題,都有好大壓力,擔心妹妹都有事
如果我知哥哥問題都可能唔考慮再生
所以我覺得同妹妹都有緣份,

我覺得生唔生多個,會唔會有問題,真係無人答到你
醫生都答唔到你,最多講機會率有幾多,比0的數據你
最重要你同你先生有共識,想法一致就可以了

apple~y

回復 fatpam 的帖子

我一直無諗過要妹妹第日負責照顧哥哥,或者要小朋友照顧番我
妹妹都有自己空間,生活..........
所以同哥哥加緊訓練,希望自己照顧自己,再有大進步
只要大家都愛大家互相關心就可以了
0甘如果第日妹妹大個有家庭都想有小朋友
我會好好分析比妹妹聽,等她自己決定
或者就算單身都無所謂,最重要開心

正如我之前所講,因為緣份生了妹妹
為了妹妹,為了哥哥
我都日日努力中
之前我都係叫哥哥教妹妹一些動作好似拍手,請請,舉手.....
哥哥都樂意做,其實都係互動
比多0的正能量自己,自己同自己打氣

apple~y

我之前看過一個節目
哥哥係A仔,妹妹正常
他們長大了,妹妹為0左了解哥哥多些,讀了有關A仔課程,最後做0左幫A仔治療師
哥哥搵了一份簡單工作,兩兄妹有傾有講,妹妹還打算結婚

前排睇報紙,哥哥係A仔,細佬正常
長大了哥哥做0左賽跑選手,係比賽上拿了很多獎
細佬引以為榮

我有朋友細佬都係a仔,我朋友都結0左婚還生了bb

其實最慘係第一個正常,第2個有事
第一個有事都可以諗仲生唔生
如果後者都唔到你選擇

apple~y

回復 why-me 的帖子

一門三傑都係呀
兩公婆都幾勇喎,一係就超級超級樂觀入s位唔當一回事,
或者可能想生到個正常,所以一直追...........

今日陪哥哥上個別st,進步0左
姑娘話社交小組上,哥哥比較活躍多0野講,係班中能力最好
聽到感到安慰