Einstein Never Used Flash Cards...

BBR

我覺得真係要睇媽咪有無心機教,好多媽咪淨比VCD/DVD佢地睇係無用,你一定要自己教,我每日早上都用成兩個鐘同佢讀書 ,到佢剛讀K2時(4歲)已經識+-數背X數表,串4百幾個英文字,中文字就識寫30幾個,現在重有3個月5歲已經可以自己睇同讀story book,作句子,做1年班的作業,其實中文字對小朋友好難認,初初比D好簡單佢認同寫,宜家佢已經識寫超過百五個中文字,好難佢都識,例如圖書,畫,樹,多謝,突然,點,腳,狗,積木,蕭,海洋,飯,飲......我宜家要佢作句子寫出黎, 重有最好就係要佢讀故事書,我每日都會要佢讀一段,唔識D字就教佢讀,可以訓練佢口齒伶俐D,我希望趁佢幼稚園唔太多野做時可以教定佢多D野,因為現在教可以慢慢教,唔識可以慢慢黎,一升P1就無時間同佢慢慢黎,希望佢讀小學時就唔駛太辛苦,好彩佢都鐘意讀書,不過有時都會 ,英文就易D,初時會同佢用手指做個英文宇出黎串,現在已經可以自己串,佢現在已經可以串到8百幾個英文字,其實我覺得無咩正統的方法,係你個小朋友接受咩教法,因為個個小朋友性格都唔同,能接受的事物亦有所不同,我就喜歡早上同佢溫書,因為佢個段時間最精神,放學後我就比佢自己玩,星期六日就會同去周圍去行街同玩等佢開心下

BBR

我諗你誤會 ,係佢自己好鍾意讀書,佢好細個已經自己學寫字,我好小迫佢要做咩,就算佢D興趣班畫畫,跳舞,彈琴,英文都係自己話要學,我成日都同佢講唔想學就要同我講,佢 係因為小朋友炸嬌個種,成日要我陪佢讀,我從來無迫佢一定要識咩,佢今日唔識唔明我都唔會話佢,米第2日再學,我之前都有講.
佢每日玩的時間重多過讀書,佢吸收得快唔通佢問我我唔教佢?同佢講媽咪唔教,等第時老師教 ,我又從來都唔想佢讀名校(不過我老公話都要比佢試下),因為我都唔想佢有壓力咁多功課做,我set時間表比佢係要佢從小到大要有紀律,我又唔想佢天黑至拎D書出黎睇,我買親作業比佢佢自己偷偷地一陣做哂,而且佢早上溫書係溫半個鍾休息半個鍾睇卡通或玩之後再溫,因為我知小朋友唔可以集中精神咁耐,佢由細到大求知慾都好強,咁做父母唔通唔教?反而有D父母成日話唔想比壓力仔女所以由佢地,我覺得係佢地比藉口自己唔想教,因為無咁好耐性同心機,小朋友吸收幾多同想學幾多唔係由我地決定,係由小朋友決定,而佢程度去到邊亦唔係由我決定,我淨係知我個女一D壓力都無,有時重要我叫佢玩玩具,唔通小朋友叻D就一定係父母比壓力佢 ?我反而覺得係個女比壓力我,而且我每次教佢新野我都會問佢想唔想學,佢想學我至教,D英文字係佢自己串,我唔會要佢串邊個邊個,係佢自己睇書問我咩字跟住自己串,之後自己寫响簿到.計數佢自己最鍾意,自己成日出數比自己做,我係佢媽咪唯有從旁幫佢鼓勵佢,佢想知咩學咩就教佢,唔通咁都有錯?見到人地小朋友叻D就段定一定係家長迫佢比壓力佢?所有野唔好淨睇表面就用自己直覺去話人,我成日都係咁教我個女.
小朋友D心理書我睇好多,因為我以前教幼稚園,我好注重個女心理狀況,我成日都同佢傾計想知佢開唔開心,如果我比壓力佢我就要佢參加D咩比賽或考試啦,但我就係唔想佢學野係因為要比賽或考試,所以佢彈琴跳舞老師叫佢報我都話唔好,佢去面試學校時我重同佢講老師問野佢唔識都無所謂唔緊要,佢見完後有D野佢唔識我重同佢講無所謂,但佢自己就同我講好想快D讀小學,問我幾時可以再去見.每個星期六日我都唔比佢溫書同佢去玩,我又從來都唔會去買D咩教材去迫去要學或跟住學,我係用身邊的事物或就地取材去教佢,等佢自由發揮,屋企D書全部都係佢自己睇左想要我至買,我又從來都無期望佢要大個做咩,我成日同朋友講佢大個只要做個正直同有愛心的人就得,嘩!如果咁都叫比壓力佢或迫佢我真係覺得

原文章由 aknchan 於 08-7-21 15:30 發表


Have you every wonder whether your kid is feeling the pressure? I believe the crying is a tell tale sign.

The books uses "FLASH CARD" merely as ONE example on how today's parents are hurrying their ...

[ 本文章最後由 BBR 於 08-7-24 10:10 編輯 ]

BBR

我唔係前言不對後語,係因為我費事打字,所以簡短咁講,因為我認為父母唔應該一味比D咩dvd/cd/教材佢地自己攪掂,而係要同小朋友一起去學,我話我教定佢D野係因為佢見到表姐D書同功課好有興趣,於是我就教定佢,但佢學唔學到我從來無迫好,學到當然高興,學唔到我亦無所謂,佢 係因為佢成日做咩都要我陪佢,但我有家務做又點可以分分鍾都陪住佢. 佢吸收左幾多我米教幾多,我一路都係話佢唔識我米第2日再教,如果佢宜家P.1的作業都識做,咁上小學就唔駛咁辛苦,因為我就係唔想佢因為趕課程而迫自己去吸收,宜家其實唔係父母比壓力,係香港D教育際度同課程比壓力小朋友,考得唔好就迫轉校留班.
不過我本身都覺得應該要有適當壓力比小朋友,不過係等佢讀小學時,如果唔係佢大個點面對社會,只會係溫室長大經唔起風浪,因為我親眼見到朋友個女由細到大佢都無比壓力佢讀書,讀得好唔好都無所謂,跟住個女月讀月差,淨識玩,唔聽父母話,成日覺得父母唔明白佢,佢真係好開心呀,從來無思考自己前途,現在F.5等放榜,但佢都唔知自己想點,學校又唔搵,話要做暑期工,做左幾日就話辛苦D同事唔好唔做,佢阿媽同佢講唔想讀米做野lor,佢又話唔係,叫佢溫書佢話對住本書想 ,lee D就係無壓力下生活的大多數青年樣子,佢童年至青年時期係生活得好開心,不過我諗佢之後個幾十年唔知重開唔開心?可能佢要浪費好多時間至明白出面的社會,至知自己浪費左好多時間
我唔講得咁明白係唔想比人誤會以為我响到哂野,因為我主要係想講父母多D時間陪小朋友學野,唔好咩都叫工人攪掂,我小朋友識咁多野係因為我同先生都花好多時間,我地兩個都用唔同教法,我先生就用活動教學,而我就要佢坐定定學轉心,因為有時小朋友太活動教學的話就好難轉心去做一件事,(因為我試過自己都用埋活動教,點知佢就只是玩)因為我自己覺得學坐定定轉心都係好,開始時5分鍾,跟住慢慢加落去,現在佢可以半個鍾了,你付出幾多至可以收穫幾多.

[ 本文章最後由 BBR 於 08-7-26 08:37 編輯 ]

BBR

其實有邊個父母唔想仔女開開心心讀書,有邊個想一早就要小朋友寫字串字,但香港教育制度係咁你可以點?D幼稚園課程月黎月深,一早就要佢地寫字串字認字,小朋友鍾意做就話無問題,但我見好多小朋友真係做到喊,我地做父母可以點?唔通真係下下都送去外國讀咩,米為有迫佢地記 ,到佢地讀小學,你又驚佢讀唔到好學校(因為宜家真係好多黑學生,驚仔女學壞),讀到好學校但功課測驗多到不得了,咁你話唔比佢早D學定D野唔通到小學時晚晚同佢溫到12點1點?宜家小朋友讀書真係好慘,真係為讀書而讀書.
其實唔係每一樣教材都arm每一個小朋友,要睇個小朋友受邊樣,重要成日都換下方式教令佢唔好生厭

BBR

最緊要係點同小朋友溝通,我同個女溫書讀書時,我重來唔會同佢講溫書讀書,因為咁講佢就會覺得唔係一樣樂趣,我通常會話同佢一起睇書,寫字,玩遊戲,大家一起做,唔識千萬不要 ,米佢就怕左,教仔女可以用好多方式,將學習變成一種樂趣咁佢自然鍾意,吸收都快D,我從來唔覺得佢學多D野就等如比壓力佢,因為我係一路用方法令佢自己想學多D野,佢自己想學的話咁就唔會感到壓力或抗拒,好似佢學琴咁,之前佢話要學,學學下佢又無心機,於是我就同佢講如果真係唔想學就唔好學,但我叫左佢表姐上黎彈琴比佢聽,佢見到人地D手指彈得好快D歌好聽,於是佢又學人咁彈(當然唔知彈咩),問我好唔好聽,我話好好聽,但你想彈得好聽就要聽老師點教你,你可以自己作歌比自己彈,於是佢就响5線譜寫音符(當然又係唔知寫咩),但我都讚佢,因為我覺得小朋友有想像力係一件好事,唔好理做得好唔好(因為唔可以用大人標準去睇小朋友),我地做父母都要鼓勵佢,例如我有時又會同佢玩接字,我串apple佢就接e字,一路咁玩,有時我又扮唔識等佢幫我接,咁佢就會好開心,有時我又接一個佢唔識的字,佢就會問咩黎,咁我就順手教佢串 .
我自己本身從來無買咩教材用黎教佢,我會用周圍的材料去教佢,因為講真你買咁貴教材,但可能幾個月後就無用,或者佢已經無興趣,有時一張廢紙我同佢一起剪剪貼貼都玩好耐,從中又可以教佢廢物再用同環保,比佢知要珍惜身邊每一樣佢有的野,所以佢好小要買玩具,以前就成日 要買玩具, 自從我教佢可以將畫完的畫冊再用黎做勞作,或者將一D油完的公仔書又可以剪出黎做圖畫,厠紙筒又可以做公仔,我會同佢一起玩,到唔要我就要佢放落廢紙箱,咁無形中又教曉佢環保同用身邊的事物都可以玩得好開心,唔係一定要買玩具.因為以前成日買玩具,屋企多到不得了,佢開始唔識珍惜,樣樣都玩下唔要,宜家佢開始識咩叫愛惜.
所以我個人覺得係你點教小朋友同用咩方法可以令佢吸收多D同自願學多D,而唔係成日話佢重細唔想比壓力佢而教小D,因為唔只書本上佢要學,係自小要教佢養成好的品行同好的學習態度,有這兩樣佢自然就會鍾意學習,但這些係教材未必教到,係要父母身教,這是我個人的見解.

[ 本文章最後由 BBR 於 08-7-29 16:31 編輯 ]

BBR

上年K2開學時,差1個月4歲

原文章由 kwanaty 於 08-7-31 14:52 發表
BBR,

請教你幾歲開始教小朋友認字, 讀書??

BBR

最緊要係個小朋友想唔想學同你用咩心態比佢學,我比小朋友學好多野係因為佢肯學同吸收得好快,我係真係為想比佢學知識而教佢,唔係因為讀書而讀書,所以D老師成日叫我比佢比賽D咩我都會拒絕,因為我唔係因為要比賽而要佢學知識,而佢亦去過好多地方,我地會成日上山頂行山,去disney land, ocean park, 游水,去踏單車,去公園同遊樂場玩同旅行.....基本上星期六同日我地都會同佢去玩,因為我覺得每一樣野都要平衡,唔可以只係玩或只係讀書.
因為我都講過,小朋友要學幾多吸收幾多唔係父母話事,父母亦唔好成日話想小朋友開心所以由佢,寧願比佢玩多D,但可能小朋友想學呢?因為父母覺得佢玩開心D所以唔教喎,相反如果小朋友唔想學唔係佢情度的知識但父母又要迫佢學咁只會做成反效果,唔好因為見到人學跟住又迫自己小朋友學,而家唔識唔代表將來佢就無成就.
有個好好例子我個朋友好唔鍾意食洋蔥,於是佢個仔比佢影響下都唔食,但佢從來都未食過,只是媽媽成日同佢講唔好食,好難食,於是佢一見到洋蔥就怕,有一次佢黎我屋企食飯,佢唔知係洋蔥食左落口,之後話好好味問我咩黎,我話比佢聽係洋蔥,跟住佢同我講完來洋蔥咁好味. 好多時父母將自己的思維放左落個小朋友到,覺得玩就最好,小朋友唔肯讀書就覺得無所謂,但點解你地唔用D方法令佢喜歡學習,令佢覺得學習都係樂趣,相反點解父母過份的要求小朋友學個樣學li樣令小朋友覺得學習係一種痛苦. 希望各位真係要睇清楚自己小朋友究竟需要咩而唔係你覺得佢需要咩而比佢玩多D或學多D或自己覺得這樣教好而漠視小朋友的真正需要.

我完全係贊成小朋友要响愉快的環境學習才是正確的

[ 本文章最後由 BBR 於 08-8-2 00:07 編輯 ]

BBR

你地就好啦,响外國,仔女讀書無壓力,又唔駛爭學位,我都想過比個女去外國但老公唔比

原文章由 awah112 於 08-8-1 21:26 發表


而家住香港，出年可能去其他國家，等太太年尾去一轉加拿大再決定......

阿仔大咗一定返加拿大，想讀乜都得，唔洗爭呀，唔係我點會咁老定。

BBR

不過我又睇過一本兒童書D專家話小朋友3歲起已經可以學多D語言 因為月細學月好喎,個個"專家"講都唔同,所以我重來都唔會太信"專家"講野,最緊要係個小朋友接受邊樣,講到天花龍鳳都係假

原文章由 miumiu809 於 08-8-1 22:53 發表

唉~ 講到"廣東話"問題, 真係好頭痛!!
我生bb之前是在這裡的中文學校工作的, 情況實在好恐怖!!
我期望bb將來識"講", 最好還要識"睇", 咁最理想就梗係識埋"寫"啦...
於是bb從小就決定完全在家只跟她 ...

BBR

緊係唔係咁細比佢去,諗住中學,因為真係唔想佢為考試而讀書,香港D教育際度我真係唔鍾意

原文章由 awah112 於 08-8-1 22:11 發表


如果仲細，就唔好咁快送去外國啦，始終有父母睇住好d。

BBR

最緊要身教同生活習慣 ,我女女從來都無用蒙特教育,但好細個已經識收拾,用完D野會放原位,因為佢細細個我已經教佢要清潔整齊

原文章由 carol_mom 於 08-8-12 17:26 發表
十分認同 karenlai 的說法，我是用蒙特教育的，但本人有一些朋友是給BB Flash card, 更購買了很多不同教育英文的”教材”，朋友常覺得我很傻，因我開始跟孩子在玩一些蒙特玩具時，　雯雯並沒有太大反應，而且很快便走開，　當然沒 ...

BBR

身教就係最好教材 因為由出世到佢地12歲前對小朋友影響最深係父母,一到中學就好難再聽你講,所以要係讀完小學前教佢良好習慣

原文章由 carol_mom 於 08-8-12 23:12 發表
有道理,   好似我咁鍾意睇書,都係多得我爸爸媽媽,好鍾意係我細個時同我一齊睇書