而家d補習社愈來愈精英制

October.

kirstyau 發表於 21-12-8 19:29
本帖最後由 kirstyau 於 21-12-8 19:34 編輯

另外chem唔知係咪講佐敦嗰間，本來我都想排，但係佢要我地睇片先，時間又唔夾，而家搵咗個skype阿sir小組班，阿sir好有heart , by topic補，有時4堂錢教唔哂，free堂教埋。堂堂都超時幾個字，間唔中whatsapp問功課都詳細解答，見學校測驗出黎唔差，暫時唔排佐敦了

佐敦果間係成績最好既精英班，俾最靚既時間上堂，第2就進階班，最後先係普通班，次次測考都排名次，來自邊間中學都寫曬出來，唔合格就踢出去，非常精英制，抗壓能力低少少都頂唔順。

October.

piyohk 發表於 21-12-8 20:34
請問是這間嗎？它的入學申請都要求很高⋯⋯
精英班 課程特色:
每年收生人數按水平而定, 只取錄達標的最頂 ...

佐敦適合拔尖增潤既學生，低年班還好，到左DSE時，成績唔達標就請人走。

October.

PTL_L 發表於 21-12-8 22:05
想問，要交學費嗎？點解好似要買佢怕咁？我要付出味架喎

中六DSE,阿sir一堂都講足3.5個鐘,中間有個break,阿sir都交足貨,冇辦法,為咗摘星,你情我願,精英班、進階班入面,好多都係名校生。

October.

mcl203 發表於 21-12-20 19:34
我都識果啲已經驗證咗嘅頂級學生，似乎無一個無去補習班～～～

不過，我唔否定真係會有嘅，亦相信存在～ ...

咁驗證後要幾多粒星?先算係頂級學生。

October.

b3410 發表於 21-12-21 22:32
問下狀元有冇補習，狀元夠頂級了啩

冇補習冇狀元  左丁山

在IFC行商場，碰到以前代理日本藥嘅馬迷N，馬迷N常在馬場沙圈睇馬，最鍾意睇中一隻半冷馬（10至20倍），就用來做膽買QQP（獨贏及位置Q）全餐，每注一百，不時命中幾百元嘅冷Q，扣去本錢2300-2600元，還是有賺，最過癮有一次中咗一條兩千元大冷Q及過千元位置Q，收錢之時，四萬咁口。

賭馬只係嗜好啫，佢以前代理日本藥，不是在香港賣，而係運入內地，直情賺到笑，因為中國人民不愛中國藥，反而拼命搶購日本藥，佢地買藥時高喊前進前進，就是前進去日本買藥也。但呢次碰到面，馬迷N係問一個問題，世姪考IB得34分，入唔到心儀大學，有乜法？間大學曾經「有條件取錄」（Conditional offer），條件係IB有35分，偏偏世姪考到34分，只差一分幾慘情。大學有冇人情味講呀？唉，講呢樣就唔會有甚麼人情，康文署一位兼職（非正式政府僱員）教練，新年期間收咗學員利是，都被康文署告上廉記啦。差一分考唔到35分，大學收生人員咪一於公事公辦。

香港學生考IB，成績全球最好，今年全港IB考試平均分係35.96，及格率96.85%，2285名考生之中，取得40至45分學生有584人（25.6%），狀元（45分滿分）有38人（英基15人，男拔7人，聖保羅男女5人，三間學校已佔27人，71%），香港狀元佔亞太區102人之37%，可見香港學生考試成績特別標青，比較之下，全球有163511人考IB，平均分得29.78，狀元有186人，五成半在亞洲，三分一在香港，自從香港及亞洲學生加入IB試後，英法德西意等學生只好靠邊站！好多家長怕仔女讀本地學校讀死書，冇創意，有能力者皆在國際學校讀IB，誰知要考到高分，仍然係香港模式，靠補習！補習名校遵理嘅母公司精英匯（1775）在7月13日上市，由七科5**狀元梁冠康敲鑼，呢位現時港大牙醫學院學生就係在遵理補習嘅。今年考到9科5**嘅喇沙超級狀元及七位狀元都係遵理補習學生，做成不補習不會做狀元嘅現象。有人話，唓，DSE點同IB呢？唉，咪又一樣，昨日講C媽媽嘅仔嘅英文補習老師就係專門補習IB英文試嘅名師囉，有幾間著名國際學校嘅學生，絕大部份係富二代、富三代，人人有補習先生跟住㗎！佢地興一對一補習，只要有成績，補習費唔會同老師計較，香港學生考IB成績冠於全球，要多謝補習先生啦！

左丁山

October.

juliho 發表於 23-2-23 07:35
回覆 October. 的帖子

可以詢問一下佐敦是哪一間嗎？多謝！

Chem? ElemenX