應否幫小學生取得好成績?

October.

要留港升學，就會睇住佢哋成績，無論升中或升大，都係講求分數，自細培養佢哋自動自覺做功課，唔識就問教到佢哋識，測考前俾練習做下，以入到本地大學為目標，成績中上就得，冇話逼佢哋要名列前矛，唔覺佢哋透支精力，我女上到大學仲出乎意料地勤力，阿仔過咗初小后，成績－路上，依家中學成績優異，全靠佢自已，所以小學父母幫吓佢哋打好基础好應該，當然各施各法啦，我就算從頭來過都會咁做。

October.

如果純粹要自信,又唔至淨係成績好先俾到既, 運動、音樂及其它技能出色的話,都可以令人提高自信心及自我形像。

只是, 讀書是小朋友既本份, 如無特殊情況或個人特質, 成績保持一定水準, 呢d要求唔算過份, 只要小朋友盡咗力, 乜成績都接受.

October.

little_yolky 發表於 17-3-15 12:59
咁又回歸起點。

如果小朋友已經好努力, 自動自覺, 不過, 因為依家求學不是求分數, 係求名次, 同學仔個個阿 ...

我理解求分數以及求名次其實係同一回事, 只是學校份卷深淺度稍爲不同導致分數高低有別而已.

我會幫, 事實上我幫咗,再加上小朋友肯配合,效果唔錯。我仔小一第一、二次中測得56　&　57分, 我即刻發功,教佢做題俾練習佢, 阿仔又合作, 到咗學期尾考試, 佢份中文卷成績已躍至全班第二, 我好記得取成績表果日, 班主任同我講, XXX係匹黑馬啊! 不過,　佢初小成績唔穩定.

如果小朋友盡晒力,　結果成績唔達標,　我睇到佢學習態度無問題既,　我會接受乜band就乜band啦.