請教：ESF Bradbury vs Mount Kelly

Activehealth

poonseelai 發表於 20-4-5 09:42
唔係黑心，近年開咗咁多新校，唔知可以维持幾耐，仲要在商場上課，除非無選擇，只作為踏腳石
...

完全同意！

Mount Kelly 依家喺尖沙咀嘅校址，之前係HKU Space 中醫藥學院臨床及教學中心所在。有段日子我在那邊上課，間野死氣沉沉，啲通風及光線同環境，連大人都覺非常局促，何況小朋友比大人需要更多新鮮空氣、陽光及空間跑跑跳跳。仲要Y1-8迫埋同一校舍，連窗都唔多隻，俾咁多學費，值咩？仲有，明知有肺炎全球散播，今年農曆年學校假期仲帶啲學生去瑞士滑雪，好彩無事；但番嚟幾多老外教師唔戴口罩聚會打網球中招，好似無乜common sense 同危機意識。

阿仔以前讀ESF小學（不是Bradbury), 經常去Bradbury 參加chess tournaments ，Bradbury 環境非常好，絕對有足夠空間俾小朋友活動。佢依家ESF中學，有一半同學都係由Bradbury升上嚟，啲同學仔都好好，包括阿B 個二女（成日出嚟同阿爸合唱），同邱淑貞個二女（舊年去咗英國讀書），黃敏德個仔高佢地幾班，仲有好多其他名人之後，同學間唔係好care 邊個係邊個爸媽/仔女，家長間亦好少提起，佢地都好nice 好down to earth, 絕對唔會自己group埋一堆唔理其他人。