求高人指点？点解二線小学，全级130人，

晴晴小B

DATE456 發表於 21-6-12 17:57
每科主科也有93分至96分，全级8至10名之內，3次呈分加埋卻也是只得Band 1C？何解？

是否因為卷淺？

其實所謂既b1a b1b b1c 都係坊間自己定義，方便自己比較，係教育局黎講只有b1 b2 b3

晴晴小B

DATE456 發表於 21-6-12 17:57
每科主科也有93分至96分，全级8至10名之內，3次呈分加埋卻也是只得Band 1C？何解？

是否因為卷淺？

咁點解每間學校b1比例都唔同呢？原因係大家經六年小學後，啲學生程度上既分別。

教育局會參照中一分班試成績，決定各小學可拎到幾多個b1 b2 b3位。

如果啲師兄師姐係中一分班試考得好，未來既師弟妹有福了。反之亦然。

極端例子，如果以前既師兄師姐考得唔好，之後既師弟妹可以連一個b1位都無

晴晴小B

DATE456 發表於 21-6-13 11:30
禁請問自一和自二有分別嗎？
是否自二收左自己，自一便收不到自己？
自一跟自二排名去自行又有分别嗎？

其實有好多種可能出現既情況，簡單來說：
自一收左，(唔理自二收唔收)入自一。
自一唔收，而自二收，就入自二。
自一自二都唔收，就去統一派位。

晴晴小B

rsx 發表於 21-6-16 19:27
我講嘅係general case, 你講既係special case, 照你意思寶校同一缐冇分別，咁你做乜要插班
...

我對27樓果個例子極度懷疑。

首先寶校級十幾名去申請一線學校插班，基本上連考筆試既入場券都無。

第二，如果寶校級十幾有一線學校級十幾既水平，咁間寶校就唔會比人當寶校啦，27樓果位媽媽亦唔需要轉校

晴晴小B

bbkingdombb 發表於 21-6-17 16:21
我睇過某地區所謂一線與所謂寶校 一年級的分別就不算大

教材同最終的學業成績關係未必大

香港既教科書來來去去都係得個幾間，所以唔可以單憑話邊間同邊間用同一套教材而去話兩間教學質素相同。

好多一線學校除課本外，仲會有多年嚟由老師自己做既筆記。

以小一中文作句為例，普通學校比個詞語叫學生作一句句子，比較好既學校會要求最少有幾個字，而最好既學校會教埋句子結構，要學生掌握時地人事四素句結構，亦會教埋學生應用形容詞同副詞。

再例如小一數學，普通學校跟書教，比較好既會印多幾張書商提供既工作紙，最好既學校會搜羅哂教緊topic既所有題型教學生。

有親戚個女以前讀荃灣天主教小學，應該屬二三線小學，小一至小三都係全級第一名，佢呀媽覺得荃天超hea，於是去考仁紀插班，考完筆試後無哂下文，最後只係考到全完第二小學(二線學校)。

晴晴小B

bbkingdombb 發表於 21-6-17 16:21
我睇過某地區所謂一線與所謂寶校 一年級的分別就不算大

教材同最終的學業成績關係未必大

地區一線學校係會吸引其他學校既叻學生，但同時佢自己最叻既學生亦會比傳統名校吸走。

一加一減後，未必如你想像般咁大影響


不過同意寶校確實留唔住自己考得前個批學生

晴晴小B

bbkingdombb 發表於 21-6-18 15:53
至於教材師資等等的因素, 如果效果真的非常大, 就應該出現某些地區派位學校八成九成band1的情況.

但現實上 ...

依你邏輯，二線學校班叻學生走哂去一線。
但同一時間二線學校都會收到三線學校班叻學生去補充，所以二線係一加一減既情況，佢B1%係理應無變動。

晴晴小B

rsx 發表於 21-6-18 16:30
學深幾年？神校都死啦！有邊間咁勁？可以開名嗎？

依佢神邏輯，小學野好淺，家長自己教哂，間間學校教學沒有分別，咁佢小朋友大可以唔使讀小學，直升中學都得，又或者可以求其搵間寶校hea完六年直升神校。

晴晴小B

hbb1987 發表於 21-6-20 03:46
回覆 晴晴小B 的帖子

甘你去新油天問一問，三線小學可唔可以申請插班先

四五六七八線都可以申請插班架，寄申請信去，學校未開信封前點知申請者資料。

問題係你話三四線考級十幾名，除非你係音樂或體育攞左啲全港性大獎，否則一間一線學校一年每級收過百份插班申請，而筆試或面試名額有限，點排都排唔到個位比三四線考級十幾名既申請者。

晴晴小B

Dylanli2017 發表於 21-6-19 16:11
回覆 rsx 的帖子

小學數學真是好易。反而中文對大部分來講拎9字頭比數學拎9字頭難，中學中文科就更加唔使 ...

唔好睇少啲小學數學，有啲題型連大人都要思考下點處理。

另外時間處理都係個問題，有冇見過45分鐘考44題數(短中長乜都有)，又要睇題目，又要寫題解，係無計數機幫助下，唔係個個得得切。

晴晴小B

hkpapa852 發表於 21-6-20 09:27
其實除咗中學網外, 全完二校好似其它方面都不如荃天喎?

兩間係唔係都無詳細升中資料？

荃天hea到一個點，我見我親戚個女當年一日得兩三份功課，老師hea教。佢讀完小二走，之後同啲荃天啲舊同學聯絡返，高小情況一樣，一日得四五份功課(簽回條同改正各當一份)

全二就多功課啲，不過就好多抄寫野。

佢而家讀善德，中一時考級19，跌下跌下去到3X

晴晴小B

Poyau 發表於 21-6-20 11:18
全二有公布小六全級升中去向
詳情參考以下分享

全二呢幾年先有公佈，不過佢升中條數靠間全完中學頂住，整體唔係好掂。

當做個抽樣調查，佢級一既畢業生去到間B1B中學(善德)，成績亦只係得中上。

晴晴小B

Dylanli2017 發表於 21-6-20 15:54
回覆 晴晴小B 的帖子

我真心唔明白你講果個人點解要咁做，我見荃天幾乎每年都有人入到林護，既然你講個人 ...

荃天唔係年年有人去到林護，我親戚個女今年中五，計返佢當時小二個幾年，係無人入到林護。

呢幾年荃灣啲學校係咁叫家長升中時用地址轉葵青區，所以多左人抽中葵青區中學。

林護唔係級一就一定收，佢放好大比重係面試。

晴晴小B

Dylanli2017 發表於 21-6-20 15:59
回覆 晴晴小B 的帖子

https://www.twcps.edu.hk/news/%E5%8D%87%E4%B8%AD%E6%B4%BE%E4%BD%8D荃天校網顯示 ...

你見間學校升中數據無breakdown就知派得好唔好啦。

統一派位抽中一個半個有幾難。

我識人統一派位甲部抽中喇沙書院，全香港得兩個位都中。

晴晴小B

Dylanli2017 發表於 21-6-20 16:07
回覆 晴晴小B 的帖子

就算唔是級一，都要前三先收。我見林護呢幾年，荃灣大部分小學，固定都會收1個人。而 ...

呢兩年林護陳加恩校長退休，鄭校長可能改變收生政策我就唔清楚了。

但陳校長時代唔係級一就一定收。