有冇小朋友係資優加亞士保加既媽媽?

CCHmama

分享下d辛酸呀~~

CCHmama

行為古怪固執，堅持特定既原則，難以合群，喜歡自己玩，冇言語障礙，冇智力障礙，有動作不協調，不靈活，食野好慢，遇到不喜歡的食物，可以即場嘔出來，令人懢介，常受身邊不了解的師長同學不滿．我個仔今年７歲，做左評估，證實左係，不過佢係特優智能十分聰明，可惜十分抗拒寫字，所以影響成積，就讀主流學校，小一小二不斷接到老師投訴，話佢不合作，情緒失控．知道左個評估之後先知唔係自己教得唔好，係佢有發展障礙，即係Asperger syndrome（亞氏保加症／亞斯伯格症），在yahoo可以搵到好多資料．

CCHmama

我個仔今年７歲，佢ｎ１－ｋ３既時候都ok,最多話佢食野慢，寫字慢，大小肌肉唔好，要做好ｄ運動，今年１月才帶佢去做評估，因為受唔住各方既投訴（補習社，學校），睇下佢有咩問題，先知道原來係亞氏保加症＋資優＋ADHD. 學校在資優方面沒有支援，但收到亞仔既報告，對佢既投訴小左，我想同佢轉校，但亞仔有情緒問題，佢有時會覺得學校好噪，便會生氣，冇咩學校會包容佢．而家升小三，條路好難行，我只好對佢既要求降低．

CCHmama

有同學校開過會,見過教育心理學家(由學校提供),我覺得冇咩用,佢地除了常常送d小禮物鼓勵佢,少d批評佢,都冇咩幫到手,佢冇讀寫障礙,因為佢己經能閱讀中學生既小說,而且很愛看書,又快又多字又專心,佢可以完全讀晒d字比我聽,不過寫唔出.完美主義同過份執著,字體十分整潔,常常擦過再寫,人地寫一次,佢可能寫三次,係亞氏保加其中一個特徵.抄生字,做功課,及上課,做佢唔想做既悶事,佢就好似迷失左,我唔知點樣可以幫佢.

原帖由 wawa 於 10-6-7 09:50 發表
Cchmama

其實有無同學商量他的對策.
Check 下學校有無融合教育. 因教育局有資源可申請請教育助理陪小朋友上堂, 同時你仔仔可能有讀寫障礙的問題. 如有可和學校商量加時考試. 如同時有ADHA的問題唯有吃藥處理. 可令 ...

CCHmama

佢寫唔出字,唔係因為有讀障,而係佢逃避.讀障既小朋友係會將d字倒轉位置及方向,無法背誦及閱讀有困難,會跳字跳行難以集中.
佢可以背書,閱讀順利,只係不愛寫字,因為隻手仔小肌肉發展不協調,好似用交剪,寫字,扣衫鈕都比正常人困難,所以做事會比較慢,影響寫字既動機,學校冇同佢做調適,因為覺得佢得,評估中心亦冇話佢有讀障, 只係Asperger.
所以我都唔知有咩可以做.....佢係資優,但係有咩用....

原帖由 wawa 於 10-6-8 11:39 發表
咁樣學校已經幫到他了, 為何佢認到字,但寫唔出呢, 咁打字得唔得呢, 其實寫唔到都算讀障的. 可要求學校考試時有特別安排的.

CCHmama

評估中心己轉介去職業治療,不過要等好耐.學校也幫我轉介去扶輪,又係唔知等幾耐...我好心急,搵私家又貴,又怕比人詭.
我太遲發現亞仔既障礙,感覺統合運動最好係0-6歲前做,真係沒想過佢很早便會說話,有交流,有良好邏輯思維,以為佢好聰明,竟然係自閉.雖然自閉都有好多種,佢係可以同人溝過個種,但係有時會好執著,好堅持己見,唔係個個頂得佢順,結果會自己同自己玩.佢思維冇問題,但係動行協調有障礙,比人好慢既感覺,我以為比佢做多d運動便得,原有唔係,障礙就係你幾努力都解決唔到既缺憾.

原帖由 wawa 於 10-6-8 15:46 發表
要去職業治療,做感覺統合運動, 同埋要練番佢o的手指的力, 可以做一些手指運動, 泥膠, 撕紙, 砌lego, 拋接球, 大概需時半年至一年, 襯暑假做有多些時間.

...

CCHmama

好多謝你既意見,冇錯,"攪好他弱點先."

評估報告話佢有ADHD問題,佢係坐唔定,冇興趣既野,很多時會無法完成,如果我陪佢做功課,幫佢計時間,佢會好快完成,當然我仍要不時提佢要幾多分鐘完成一個字,我會以一秒一個英文字母/十秒一個中文字為標準,共幾多個字須要幾多時間完成,要佢在指定時間完成,但係如果我唔在佢身邊,佢就無法專心,可以做好耐,我係在職媽媽,平時佢放學會去補習社,當然常常都比人投訴,都冇辦法,只有自己繼續努力.
但係好奇怪,佢可以好專心地看完一本冇圖畫全文字成串厚既書,你要佢分心就好難.佢班主任都很驚訝.
佢默書可以成日一百分(老師會等一等佢),同佢溫書好快就記得,不過默完書之後,又會忘記,Asperger既人想像力係好差,我都好担心.
佢小一成績都ok好,小二考試就差,做唔晒,老師冇提佢要專心,所以專注力不足對佢都有一定影響.
佢唯一比老師讚就係數學,補習社同科任老師都有讚佢.
我同自己話人總有長有短....包容包容包容

CCHmama

評估報告兩樣都有,我冇太留意過動個part,因為影響冇咁大,冇去搵資料.

CCHmama

yes thanks for your sharing:)