點解個個都爭名校,有冇了解間學校適合自己的小朋友嗎?

Geni

老實講, 個個都想搵一間適合自己小朋友o既學校, 但何謂適合呢? 自己個小朋友o既程度去到邊, 我諗好多父母都唔敢肯定(起碼我係), 再者, 你真係可能知道每一間學校o既特點咩? 一日唔讀過一日都唔知o岩唔o岩, 就好似揀老公咁, 就算你之前點了解個男仔, 到最後都係要拍過拖先知o岩唔o岩o家啦! 所以我覺得, 我地做父母o既, 唯一可以做o既就係盡力去搵機會俾佢去試, 係唔係名校都好, 只要達到自己基本要求就俾個小朋友試o下.  有d人o既要求廣d, 有d人o既要求narrow d, 可能"名校"比較大機會達到大部份人o既基本要求, 所以多人掙o羅~~ 冇話o岩唔o岩o家, 大家都係為小朋友好, 係咪! relax ~~~

[ 本帖最後由 Geni 於 08-9-10 14:26 編輯 ]

Geni

冷靜d先. relax ~~~
或者講個例子: 我個仔畫畫一直都是是旦旦, 是旦畫個圓形加幾條直線就叫做畫o左個人, 更唔好叫佢填色. 但上兩個月o既某一日, 佢畫o左一張相對比以前複雜好多好多o既圖畫, 仲要好仔細咁上色, 嚇死我地. 問過畫畫老師問過學校老師都係有咁o既發現, 大家都話冇特別教過佢d乜o野... 我諗呢d叫做開竅~~ 從o個次開始我就知道小朋友o既能力唔一定係我地可以想像o既.

o黎得bk o既, 都一定係有所準備o既父母, 人排我排o既, 我諗好少會o係度出現o既.

都係o個句啦, 大家都係為小朋友好, 冇話o岩唔o岩o既.

Relax ~~~