請問小一面試當日應穿著怎樣的服裝呢?

Geni

大部份小朋友都唔會著得太隆重o既, 不過短褲涼鞋就最好唔好o勒.

我舊年去in, 見過有個小朋友裇衫+吊帶西褲+bow tie+西裝頭, 唔知係咪個小朋友著得唔自在, 我見佢成個人都呆呆地咁..... 所以著乜都唔緊要, 最緊要個小朋友覺得舒服.

Geni

原帖由 babytai 於 09-9-2 23:02 發表
唔好意思各位
我想問吓...其實係咪"自行分配"學位去報名時都要面試架???
geni 請問你記唔記得你仔仔報沙官時d老師問過d咩問題架???

"自行分配", 時係唔需要亦唔可以面試o既. 官津o係大抽獎出result之前都唔可以自己揀學生. 直資/私校因為唔係跟政府派位制, 有自行收生權, 所以先要面試.

我個仔係大抽獎之後再去沙官叩門先要面試o勒! 至於面試問d乜, 我個仔係唔係好講到俾我知, 只係話老師叫佢寫o左幾個中文字同幾句英文. 見完老師之後我地就一家大小去見校長, 我見到佢有張之前老師in我個仔o既時候俾分o既分紙, 都有10個8個分數, 不過就唔知點解. 校長見我地就唔係問o左好多o野, 都係問o下點解揀佢地學校, 對學校有乜o野期望咁啦!

Geni

原帖由 babytai 於 09-9-3 22:46 發表
真係唔好意思呀...又一次麻煩係啦geni
因為唔知程序...所以想問清楚...我都報左名聽18號個講座架啦
即係"自行分配" 都係要大抽獎架...
如果唔收..就要等統一派位...再派唔啱..先去叩門....唉...真係煩呀 ...

唔麻煩!

報官津分兩個階段, 自行分配同統一派位(大抽獎). 自行只可以揀一間, 計分o既, 由高分o既開始收, 同分又唔夠位就抽, 例如有50個位, 40個位俾o左20分以上, 咁淨番o個10個位就o係15分o既人入面抽10個. 至於點抽你可以問學校, 一係就俾教育局抽, 一係就學校自己抽, 抽o既時候會有教育局o既人在場. 自行如果分唔到學位就要參加大抽獎, 大抽獎就唔計分, 只講運, 甲部全港任揀3間, 乙部就排自己網o既學校. 如果咁唔好彩大抽獎抽唔到你心水而你又想再搏o下心儀o個間, 咁就自己去心儀學校叩門, 呢個時候學校就可以用自己o既方法收生, 如面試.

明唔明白?