打氣區：暫時還沒有offer的小朋友家長，振作啊！

Geni

原帖由 deebrown 於 09-10-29 19:21 發表
我都好想stay positive, 但自問小囡一向非常外向、健談，K2 攞埋成績獎，英文完全無問題因為小囡是混血, 以佢 1st in 完之後，所講返出既，全部有問有答，佢亦完全冇問題講返個過程出黎.....

已經好迷失，唔知的學校要的乜了。
...

我個仔舊年都係考5~6間都冇一間收, o係考學校之前, 我冇諗過會咁, 因為佢都係"非常外向,健談, 英文完全無問題".... 當時的確好失落, 唔知點解, 亦唔知點算..... 好彩最後因為佢"非常外向,健談, 英文完全無問題"所以叩門入到心儀官津! 依家仲讀得幾好o忝!

所以大家唔好氣餒, 仲有大把機會o家!

Geni

原帖由 deebrown 於 09-10-29 22:45 發表
Thank you ....
請問叩門應該要準備D乜呢？

叩門其實同考直資/私校要準備o既o野差不多, 都係預早留意學校申請安排, 做定profile, 到時準時交form準時去in咁. 之不過我覺得當你經過o左考直資/私校呢一輪o既洗禮之後, 你會清楚多d自己想要間乜o野學校同你自己應該點樣答老師或校長o既提問(我in o既官津都要見家長). 我成日諗, 如果我早d識應對校長o既提問, 可能當年有機會入到唯一有2nd in 機會o個間心儀直資! 所以話經驗係要慮積o既, 呢一個階段大家都冇經驗, 錯失o左唔少大好機會, 但只要你肯從失敗中吸取經驗, 咁依家o既失落先唔會白費o既!

Geni

唔只考學校, 好多時我地都會o係失敗之後諗失敗o既原因, 呢個係好正常o既想法. 之不過我覺得學校唔收我地o既小朋友, 只有一個理由, 就係"唔適合". 至於點先適合, 每間學校對每個小朋友o既標準都會唔同, 同父母心目中o既"叻唔叻"可以一d關係都冇. 所以我覺得無論你諗到d乜o野理由都好, 都應該積極d去諗, 可以改善o既就努力去改善, 唔可以改變o既就面對o羅!

放心啦! 依家大家可能覺得時間好難過, 但當你到o左出年呢個時候大家o既小朋友做o左小學生, 你就會發現原來真正o既考驗依家先開始!

Geni

原帖由 Catpig 於 09-10-31 00:27 發表
有時會怪自己是否沒有為亞女做好預備功夫,好內疚好內疚,自己嘅決定好似累佢一生咁..........sigh............. 我突然有少少頂唔順...... .........可能係深夜吧.............希望在明天, ...

唔開心一陣好o勒! 考小學只不過係一個開始, 考到心儀o既當然好啦, 但考唔到絕對唔等如冇哂前途, 更加唔會係累佢一生呢! 好似我個仔, 當年一間都考唔到, 曾幾何時都有諗過係咪我地準備得唔夠好, 定係心頭太高報親都幾過千人考o既學校..... 自責總有d, 但好學校仲有好多, 總有一間會收佢o既. 到時入o左小學, 如果成績好o既, 再去心儀學校考插班都係一個選擇!

依家個仔講緊小一, 仲未考試唔知佢o既成績點, 但見佢番學都幾開心, 做功課都搞得掂, 所以有時諗番轉頭, 如果當日真係俾佢考到入心儀學校, 同學仔個個都百般武術, 學校要求自然會高d, 我諗佢未必可以好似依家咁輕鬆!

另外, 我建議大家o係呢一年多培養小朋友閱讀o既興趣同習慣, 因為依家好多好多學校都好提倡閱讀, 不論直資/私校定官津都係, 如果小朋友自小有閱讀o既習慣, 唔只對之後o既學習有好處, 其實對考學校或叩門都好有用! 我地當時叩門成功有好大因素係因為我個仔鍾意睇書!

Geni

原帖由 rayckng 於 09-10-30 16:00 發表


Geni, Pls share with us what kind of questions from the Principal.

通常校長都係問點解揀佢地, 平時同小朋友o既相處係點, 點培養佢等等.... 如果要準備o既, 最重要係先了解間學校, 知道學校o既方針, 呢d資料並唔難搵. 另外就係好似我之前都有提到, 要培養小朋友o既閱讀習慣, 因為好多學校都好提倡閱讀, 好鍾意收鍾意睇書o既小朋友o家!

Geni

原帖由 mamay 於 09-11-1 13:59 發表


Hi Geni,
How you show to the teacher or principle that your son really like to read?

我地叩門時IN O左兩間學校, 第一間問我地放假鍾意同個仔做乜, 我地咪話同佢去公園同圖書館, 校長仲即時問個仔去邊間圖書館多O忝! 第二間就校長問我地有邊方面想多了解佢地學校(呢條係第一條問題),  我地就掉番轉話俾佢知我地有幾認識佢學校, 同校長講我地鍾意佢地學校提倡閱讀, 我地都成日同個仔睇書咁O羅! 仲有我地個PROFILE都有提到佢O既興趣係閱讀.

我個仔當年都入到英華SECOND IN, 但SECOND IN O既時候我地O既表現(包括大人同細路)都唔好, 又唔識主動搵機會同校長講我地想講O既O野, 好明顯係準備同信心不足. 自從O係O個一次吸引O左經驗之後, 我地明白面試唔一定係人地問乜你答完就算, 其實可以搵機會主動咁講多D O野, 俾對方知多D.