有無小朋友係2010年入讀小一架??

catfishhome

大家好，我家仔仔今年都會係小一生呀，我同佢揀左普教中，我都有問過佢，佢話好...需然佢普通話麻麻得很，我亦都也也wo，不過都想比佢試一試，如果入到佢又讀到就最好啦，如果佢入到讀唔到，得唯有陪太子讀，自己都去學埋一份，因為本身佢英文唔好，我想佢有一種語言學得好，第時唔睇得都講得呀麻...hehe係唔係好傻呢。

7月8號就會去學校交書薄費同其他費用，書費要一千五百幾都幾貴吓，我地重唔係住荃灣，要日日送個仔，而家都未知返學時間可唔可以停車係門口睇到公子入學校，真係好似好多野要諗咁，咁多位交個朋友仔，或者會同一班添wo， my name is fish(我家公子成日都叫我'濃豬豬'即係朦豬咁解)我家小寶人稱小魔怪又名唔訓教......

catfishhome

我無記錯頭個個星期係好似12:00定12:30呀

catfishhome

mandy 我真要勁多謝你講到比我知可以係門口落，因為我好辛苦先求到我老公肯比我揸車送個仔唔使佢搭校車，之不過佢早2日問我:唔~你送佢，咁佢係邊落車呀，返學時間一定唔比停正係門口啦，搞到我......個心....十五十六咁，因為我個仔比較坐唔定，我平時都揸得車多，成日係街見到校車上面小朋友行黎行去，又或者係"重吓重吓"咁訓教，所以我勁唔想個仔搭校車，就算自己返通宵都要爭住送公子返學。

catfishhome

我係一個在職媽媽，之不過好多人初初識我一係就估我無做野，一係就諗到傻都估唔到我份工，因為我係每一晚都係人地訓哂教教豬先返工，通常個個返工返學我就放工訓教 亦都因為咁樣樣，我就可以自己湊返公子。

catfishhome

我係一個邊青社工，唔~講真而家就真係唔辛苦啦，夜晚多數係7點返工，第日收7點，一個月有3個星期都係咁，收工同仔返學，再接佢放學，送佢去補習，再返工，重有一個星期就由我老公湊佢返學，放學我接再送佢補習之後接返佢，食晚飯同埋陪佢訓到12點幾我老公收工我就返工，星期6日就慘dd，我一早收工佢訓到8點幾起身，咁我就無我訓啦，第日佢返小學就知死，一假期比而家幼兒園多左，2功課又多左，重有就係會多左好多親子家課...

不過我都唔介意嘅，而家都好過佢細過未入學個陣，初初就帶埋佢返工，到左佢6個月識行佢都唔肯係我返工個中心訓係房等我，我個陣想唔做份工，不過我個陣有個個案嘅家長拍心口同我湊佢，咁我返工就送上佢屋企，但係到左佢就黎2歲ee都頂唔住啦，因為佢成日都搞破壞人地屋企，又好彩樓下救世軍幼兒園收佢，咁又比我做做到而家啦。

而家佢幼兒園搞小一適應班，我都同人一樣學緊做小一媽媽，要求佢自己收拾書包同自己洗頭沖涼等等，希望佢係開心愉快環境下去過渡小一生活啦。

catfishhome

咁多位多口問句，請問有無人係住大窩口又讀石小呢，因為我買書個日好似唔見有我個仔幼兒園同學入到呢間，但係之前聽老師講之前好多人都想入。

catfishhome

今日去見完個普教中面試，唉~~我真係無用law，無啦啦會痛痌都有，好彩我去完之後都未到者，不過我估都係唔得多，因為老師同我講，普通話同廣東話教都唔係大問題，只要平時睇多d書，咁樣對寫作會好大幫助，同埋佢問左我屋企有無人同小朋友講普通話，我話無架，重有就係我個仔..哈哈....真係唔係好識，重加埋緊張，平時佢識個d都唔識，笑住咁話唔明人地講乜野......唔~凍過水law，不過當比佢一個經驗啦，如果小朋友係一定要有咁上下水平先入到，我唔想勉強佢入，我估老師都有佢地一套去教嘅。

catfishhome

咁又無wo，第一佢而家係出面都學緊，第二8月16佢學校有結業禮呀

catfishhome

我公子分到1a呀

catfishhome

Yammie706,mimosa
請問你地住邊頭呀，我住大窩口架，因為聽講話小一好多時都會搞出好多笑話，小嘅就唔見野，大嘅就會放左學先話唔記得帶功課，所以我搵定街"方"先，hehe

catfishhome

Yammie706
我無比佢坐校車呀，自己送佢返學咋，我有聽過有媽媽講話如果自己車返學可以比架車入一入學校，不過都唔知係唔係真。
mimosa
好近boo.....行過對面就返學，如果住個邊向住學校操場，真係可以一路晾衫一路睇住個女呀。

catfishhome

慘，聽日開學我而家已經好緊張啦，點算..........，有本牙牙語同另一本書我都唔見我有，打過返學校話無可以唔帶住，睇吓聽日返左點先...我要努力學習去適應我係一個小一生家長先得，大家....努力呀，一齊放鬆放鬆