票選：面試後最令人失望及最有驚喜的幼稚園

BBvivian

最令人失望的幼稚園：創價
面試前：朋友兒子就讀，盛讚老師有愛心，課程雖淺但兒子讀得好開心。
面試後：
(1)咁多人報名，應該安排多幾日面試，人多等好長時間。
(2)流水作業式，沒有地方小朋友玩，作熱身。空間少、好侷，好似醫院輪門診。
(3)面試老師好無耐性，說話速度又快，問問題只有一次，小朋友未比反應就話唔緊要，下一個問題。小朋友第一次見面，聽唔慣老師咁快語速，講多次都得掛。只係面試左5分鐘。(在校門時已聽見有一個爸爸問媽媽話點解in得咁快，心知已不妙)
(4)問小朋友d題目又少，砌lego、看圖畫問2題問題、問2個生果名。收工，唔夠全面。
總結：唔覺得面試好認真，可以考到小朋友d mud。之後老師問我問題我都係笑一笑，講兩句，唔想答，只係想快d走。

最有驚喜幼稚園：基督教中心
面試前：有兩位朋友d小朋友係度讀，話唔多人讀、不太出名、校舍較舊，佢地d小朋友係入唔到其他幼稚園，但覺得老師好細心，所以先讀。之後發覺老師同嬸嬸都好好，所以一讀3年，走時都好唔捨得。
面試後：面試後即取錄，真係好似唔多人讀。但面試好認真，問題多，有不同類型，老師有耐性，回答我詢問時都好坦白，亦好詳細。本來諗住呢間係幫小朋友熱身既幼稚園，唔準備入。面試後我都即刻交留位費。原因好簡單，我認為好既老師重要過派位、校舍環境、名氣。

以上純屬個人本月面試多間幼稚園的感受。設這主題都係想了解有無d幼稚園面試前同面試後比各位mama、papa咁大既落差。