聽到都驚.....

tantanmama

都唔係所有學校係咁嘅. 我個女讀緊育嬰園, 出年讀K1. 學校講明嬰園收咗,就會照俾佢直升k1, 唔洗再考過.
果d專收天才嘅幼稚園target唔係我地呢類家長呢. 你講果個小樹長大落葉嘅過程, 我曾經喺一d早教書故事入面見過. 可想而知, 呢d學校係expect家長喺bb時期已經自己教bb架喇. 我有朋友個BB未夠兩歲已識晒A-Z, 1-20, 顏色, 形狀, 天氣都難唔到佢. 我朋友仲話呢D係普通嘢. 老實講, 我個女就唔識囉.

tantanmama

原帖由 ronkslee 於 10-8-23 15:57 發表
tantanmama :
其實我都明白每個小寶寶都係父母心目中嘅寶貝, 因此就會好想將個小朋友嘅野同身邊朋友去分享. 講到好似天才咁. 其實有冇跨大其能, 相信個父母都不以為意講得勁咗....攪到身邊朋友以為自己果個係智慧比 ...

我個女係早產B, 身體麻麻, 所以對我黎講, 佢嘅健康係最重要嘅. 我當然想佢入間好幼稚園, 將來讀書條路好行D, 但我更明白快樂童年嘅重要, 唔會強求入名校. 就算到最後, 佢繼續係呢間屋邨幼稚園度讀, 我都開心架, 因為呢度D老師好有愛心, 照顧得我個女好好. 而且, 如果我個女能力只係讀邨校幼稚園, 將來我會俾佢讀邨校小學, 唔會谷佢兩年後考名校小學.   
對於我朋友嘅BB, 我會戥佢開心佢有個咁叻嘅BB, 但我唔會"恨"自己個女係咁. 我個女有佢自己叻嘅地方, 我唔需要佢係天才, 只要佢健康開心, 我已心滿意足.

tantanmama

原帖由 ronkslee 於 10-8-30 16:54 發表
tantanmama :

我相信你個女一定好幸福, 因為佢有一個鍚佢嘅天使, 鍚佢嘅媽咪, 呢樣, 比任何東西都更珍貴.....

多謝你。我諗呢度每一個媽媽都好愛錫自己嘅仔女, 只係方法唔同。我比較簡單, 只希望個女健健康康, 快快樂樂。