你係媽媽點樣做

kittyyau

我好有同感！因為我個仔都係咁！佢而家啱啱夠2歲。我由今年7月時開始同佢返PG, 係佢自己上堂的。本來都冇咩事，但唔知由幾時開始佢日日返學時都喊，話唔要返學，有時仲發晒脾氣狂嗌。老師都已經軟硬兼施。但情況都係差唔多。

直至昨日，婆婆問亞仔鍾唔鍾意老師，亞仔答唔鍾意，婆婆問點解，亞仔竟然話唔開心。我問亞仔係咪因為老師罰佢所以佢唔鍾意老師，佢話係。我聽到都有啲心酸，最怕係嚇怕佢以後唔敢返學。

老師都係話亞仔超硬頸，要好嚴厲對佢加適量體罰。但係有時亞仔明明好乖唔通我都要好嚴厲咁對住佢? 我真係覺得有啲迷失。

平時亞仔同我係屋企多數時間都冇事，但係一返學就係咁。不過喊一輪嘈一輪佢又無事無幹咁上堂，日日放學就鬼咁開心。真係唔知咩事！

同你一樣都係覺得其他同學仔無古古咁比亞仔左住，同埋始終我呢度係 PG, 有時有其他家長入嚟問野聽到我亞仔咁激動又好似會影响到人地。所以我都好唔開心。最慘係我覺得老師都開始唔知點搞佢，同比佢搞到有啲 upset. 我真係唔想亞仔連返 PG 都比人勸走.... >_<