小學生生活時間表（要愛孩子多些）

yobdoog

小兒今年P.3,每天生活如下:

6:30起床
7:00搭校車
8:00~3:30上學
4:00 校車回程
4:15~4:30 小休和吃小吃
4:30~6:30做功課（完全是一個人做，沒有人教，加上多功課，所以花兩個小時都只可完成大半）
6:30~7:20小休及洗澡
7:20~8:00 媽媽放工回家，努力煮飯7:20開餐，吃到8時正
8:15~9:30 小休一會再完成未做完的功課，温習，收拾書包等……
9:30~9:45 自由時間
10:00前，刷牙，入房準備睡覺……

這就是7歲孩子每天的生活了，完全是馬不停碲，吃，玩，睡通通都不夠，是現代學生普遍現象吧…

自己(做媽媽的)，立志以後少責罵，多鼓勵，其實他們少少年紀實在很辛苦呢！

yobdoog

是的! 自己曾經都試過日閙夜鬧，但多咗站喺孩子角度想，感覺會很不一樣! 大家加油!  孩子好需要我哋愛和擁抱架~!

yobdoog

是的，未計課餘活動已經密麻麻，計埋更加插針都插唔入。 小兒冇學樂器，但一星期有三天球隊訓練（包括星期六日），還有一天補習中文及普通話，幸好全部佢都係佢嘅興趣，算係佢努力讀書嘅動力。 而weekend除球隊訓練就沒有再安排其他活動，只是一個上午的温習和family day。 自問都不是很催谷的家長，但都感覺時間很不夠用。 若然小朋友有投訴，就考慮是否要調節下課餘活動量了

yobdoog

小兒讀的是津小

yobdoog

仔仔明顯睡眠不足，但冇法子，以前我都會不停催促佢做快啲，甚至加上責罵，因為實在想佢可以多點時間休息同自由活動，但後來細心觀察，發現佢原來一直都係認真地做功課的，冇心分，冇埋怨，就醒覺佢要做咁耐實在唔係佢嘅錯，而係功課和測考的確多（又或者佢能力真係要做咁耐呢，要學識接受現實），很內疚以前咁惡對佢，而家我會多鼓勵，比佢知道媽媽一直同佢並肩作戰，希望佢再大啲，時間會控制得好啲啦！

yobdoog

學校P.3開始，原本一星期兩日的功課堂變了做中英加強堂（我估係操tsa），所以冇得喺學校做功課,了…… 小息拿來做功課其實我仔間中都會，但我覺得連小小的跟同學交流時間都侵佔埋的話，咁佢嘅小學生活就只有功課和功課了，我希望佢可以平衡啲，所以唔會強迫佢……現階段確實係花好長時間喺功課上，但我提自己會多欣賞佢付出嘅努力，要一個7歲嘅小朋友坐定定兩個多小時其實不易呢，現唯有寄望佢遲啲可以越做越快，早半小時都好！

yobdoog

選校問題，老實講邊有得解， 自問不是催谷型的家長，在選校時只著重校風（品格方面），沒刻意選“出名”特別多或特別少功課的，而且很多時真的要入到去先知實際情況，就算一些“普遍聽聞”功課不多的學校，都會因學生差異和老師作風而有所不同…… 再者，現時的遊戲制度輪到我哋揀嗎？既然現實係解決唔到，就唯有努力克服面對，最重要不要傷感情!

yobdoog

冇錯係超細B. 同意由佢自己衡量如果分配時間，經歷過辛苦自然就會學精。

yobdoog

我係在職媽媽，放工前只能靠佢自己，是的，佢做得慢，但冇人問的情況下佢仍願意承擔，去盡力完成，心底裡都欣賞佢……希望佢大啲會好啲啦！

yobdoog

足球係佢努力讀書嘅動力，因為做好學業嘅事先可以繼續返球隊練習，所以暫時唔考慮放棄。 而補中文及普通話係上門的老師，唔算花好多時間，而且普都係佢興趣（老師教得好），所以都想keep住。 而每日温習的安排某程度係遷就球隊練習所以要每日温一些來彌補，我諗呢個安排可以調節下……

yobdoog

原帖由 annie40 於 15-09-17 發表
回覆 yobdoog 的帖子

這個媽媽真溫柔！

我諗每個父母都是愛孩子的，只係現實社會有時會迫得我哋連怎樣回應孩子嘅愛都忘記……

yobdoog

原帖由 little_yolky 於 15-09-18 發表
我都唔讚成cut足球, 因為可以做運動, 百利而一害, 既然有搵人上門補習, 有無可能搵到人上門補功課+溫習, 1- ...

一年班時請過一至四上門補習老師睇功課，但效果欠佳，會倚賴，唔諗就話唔識，加上佢又反感，我就問佢，若果唔補可否乖乖自己做功課，慳返嘅錢我帶你去旅行（其實都4千幾個月），佢拍心口答應，結果佢都真的履行承諾，只係慢。 不過我又覺得，佢咁樣都培養到佢獨立，但就影響到休息……

yobdoog

原帖由 IloveJJ 於 15-09-18 發表
睇返你個時間表，返學7點上車，8點先到，其實可以自己湊佢返學咪瞓多啲囉！



  ...

7點上車，7:20其實都到，只不過8點先打鐘正式上堂，佢打鐘前會喺學校食我預備嘅早餐，同同學傾下計咁。

自己帶唔到佢返學，一來我帶完趕唔切返工，二來我其實仲有個細女

yobdoog

原帖由 IloveJJ 於 15-09-18 發表
咁原來响學校食早餐，又唔算耐。咁點解都要半個鐘先出到門口既?

朝早起身刷牙洗面換衫外，仲要做下早操（其實只是拉拉筋，但真的會精神好多!），有時又會晨讀下，同佢傾吓計咁（提佢專心上堂），預半個鐘出門其實差不多。

yobdoog

原帖由 scyauchris 於 15-09-21 發表
我囡今年小三, 多左好多功課, 有學校課外活動那日就大鑊。除左school team那日去唔到公園, 其餘日子都會盡 ...

功課多，活動也多，今日仔仔才分享，原來今個星期開始，每個小息都有不同的崗位要站崗，所以連小息做功課嘅機會都變成沒可能（不過我唔反對佢參加呢類活動，因可以培養責任感）

說回做功課慢，今晚跟仔仔深情對話，一齊找出問題所在（我無提到功課多，因唔想佢做成借口），我哋大致上總結出佢係好怕錯，所以會花好多時間去諗然後才下筆，另外今年學校開始教英文了草，有新嘢學佢又好想寫靚啲，所以不知不覺又用多咗時間挑花。 我問佢，你想唔想你嘅人生豐富啲? （佢點頭）我話佢知，放學後其實有4個鐘係屬於你的，如果你花2個小時完成所有學業的事，咁你就有2個小時做你想做嘅事，例如踢波，捉棋，游水…… 否則，你嘅人生就只有功課和功課了…… 我知佢明白的，希望慢慢見到改善，還他該有的童年……

yobdoog

原帖由 little_yolky 於 15-09-21 發表
安神, 瞓得好, 又係粗糧, 幫助消化拉便。日日一小碗.......但personally我覺得幾難食, 好鞋。 ...

可以溝白米煲粥的，比例可以由（舉例）6:1， 5:1，4:1……慢慢加上去，調較到自己最喜歡的比例~

yobdoog

原帖由 哈利媽 於 15-09-22 發表
唉! 我嗰個唔係做功課慢, 而係缺乏去做功課嘅動力, 已經比咗時間佢休息,沖涼同食嘢, 不過日日都要拖好耐,  ...

其實對小朋友來講玩係佢哋天性，但現實令佢哋天性扭曲，每日忙到連玩同休息時間都擠唔出，小小年紀就時時把“冇時間”掛喺嘴邊，想起就覺得可悲…… 說回提高學習動機，我會多提醒仔仔努力讀書同做功課為嘅唔係分數名次或交差，而係賺咗知識。一有機會就讚佢努力和學到新知識，久而久之態度就會有改變

yobdoog

原帖由 im_cyt 於 15-09-22 發表
很欣賞你兒子你態度👍👍真的要給十萬個讚！

感恩仔仔算聽教，或者佢都感受到媽咪為佢哋的付出，所以乖乖地當孝順返我（哈哈），諗返以前因為自己心急而失控鬧佢真係好後悔……有一晚佢臨睡前同我講: 媽咪，唔知點解你每次話我做得唔好時個心都會好痛!? 聽到簡直心如刀割， 自此常提醒自己要多體諒，或者佢真的有自己的節奏，又或者佢真的需要時間適應呢，就試試放手當比啲空間佢啦…… 說回每天自由活動時間，遺憾真的一小時都冇，但昨晚可能聽完我勸，就成功提早了30分鐘完成，可以同兩兄妹在家打乒乓球，笑了一晚，我同佢哋講，媽咪好期待每晚都同你哋玩，所以要努力加油啦！