2年級的家長, 請進來!

yk0108

其實想搵個位呻吓!!
你們會怎樣準備音樂, 視藝等等科?  那天派回條返來, 普通話考筆試 ?!  我只是想個囡識聽識講普通話, 這個年紀學普通話記聲母, 韻母, 效用有幾大?  我只怕她最後識寫 , 但聽和講就......
視藝科久唔久就派張白紙返來畫, 個囡又唔識畫, 係咪即係暗示家長自己教? 從好處想, 如果將來5,6年級呈分試, 派返來畫, 咁找人畫可以提高分數.
那個動畫英語街, 係咪俾果d英文程度己經幾好的小朋友做?每日5個新生字, 水過鴨背.   
唉! 可能我自己唔識教, 有時都幾沮喪.

[ 本帖最後由 yk0108 於 08-10-26 06:43 編輯 ]

yk0108

好開心聖母小學的topic人氣好似旺了些! 也謝謝你們聽我呻, 亦希望一齊呻!
我想遇到的問題不是只是這間學校才有, 一個老師要教起碼三科. 曾經同過一個小學老師傾談, 他本身都無教音樂, 但學校要佢頂埋, 唯有自己去圖書館找些資料來教. 那麼他能教到什麼樣的程度, 可想而知. 偏偏個"正苦"又話一生一體藝, 其實就是有錢的就自己去出面學, 但5,6年級又拿這些科目呈分, 所以我覺得獅子頭說得對, 可能要億萬富翁才能. 因此, 我覺得香港的教育有點不公平. (或者這個世界本來就是不公平!!!)不過, 現在新一批的老師是比較有愛心和耐性, 總算是一個進步!
阿囡高班每個星期飲兩三次蒙牛, 我自己就經常食晒阿囡的樂天熊仔餅和蒸著餅, 可能兩母女都要排期驗腎....?!
今個星期二的英文默書範圍是什麼? 根據之前給的資料, 現在那範圍一些都未教, 真係要星期二默?
ZITER, 我是來"吐料", 不是來交心架, 哈哈!

yk0108

shirley獅子頭,

今年黃老師這個班主任樣樣嘢都捉到好緊, 我覺得記缺點在望......唉!
請check pm.

yk0108

shirley,

你check了pm未? 去唔去?

yk0108

我都pm咗你. 有無睇學校網頁? 有個小一,二宗教活動, 你囡和我囡坐埋一齊影了些相.

yk0108

其實, 英文已經有pen A 和 pen B writing, 有無必要加多本handwriting?

yk0108

原帖由 YiChingMaMi 於 08-10-21 13:32 發表
大家好, 我是聖母09準小一家長, 看過大家之前的討論, 知道功課和默書的壓力都很大, 想知大家的女女讀得開唔開心? 會唔會成日唔想返學? 老師係咪好惡?  謝謝! ...

Hello Yichingmami,

囡囡返學返得很開心,  同學但們亙助亙愛, 記得上年第一次測完驗後的德育課, 便教小朋友要亙相鼓勵, 不好嘲笑成績不好的同學. 對於跟不上的同學都想辦法幫助, (如果極跟不上都會叫學生出去補習) 一, 二年班上堂有些都是用遊戲的方式教導.
老師很有愛心, 時常都找到地方去鼓勵和讚賞, 欠交功課也沒有很兇惡的責駡, 只是不停的提和會記錄在手冊, 成績表 ,超過廿次是會記缺點. 我囡囡是因上堂時不停口和沒禮貌, 而被老師兇惡地駡過, (如果我是那位老師,屢次叫不聽, 又阻住上堂, 也會狠狠地責駡)今年老師都說囡囡有禮貌了, 所以可能有些情況老師會悪D.
默書不算有太大壓力,  中英文一個學期默八次, 中文1-2課咁默, 英文通常有預默.
功課就每天6-7樣, 如果認真做1.5-2小時做完, (不計那些視藝科等), 但有時我都覺得多了少少無謂的抄寫(幸好不是每日都會咁)
有時教功課教得氣餒時都會想,轉校會否好些? 但轉去那些學校? (國際學校又無錢讀, 直資選學生爭崩頭,)唯有同自己講, 想讀英中就要有付出, 而且聖母的校風良好,努力d!
這是我讀了一年多對聖母的想法, 不知高年級的家長有什麼想法!?可能過一兩年我的想法也會改變?!

[ 本帖最後由 yk0108 於 08-10-26 07:25 編輯 ]

yk0108

2年級 11月18日是第一次背默英文, 請問那次係咪背默了就唔駛再讀默?

yk0108

除了背默, 還要讀默. 張默書表寫了. 幸好她們在學校有背.
今日默中文, 昨日才發現, 都唔明為何不可以好像英文咁寫好日子. 唉!平時d默書起碼溫5次才可牢牢記住d字, 今次就..... 今日還要背金句, 7課裏面只是背好3課, 上年都唔駛同她們背,在學校背好. 開始討厭聖經的功課, 測驗.........
昨日詹老師同1-3年級講不要叫家長做功課(係咪4-6年級可以代做?) 如果個日唔係有10樣功課, 唔係在測驗時抄寫大量巳識的字, 才不會出手呢!
你同個囡講解好校規未? 係咪會抽問?  

yk0108

完全同意!
你覺得可以不用做的功課還有那些? 我真係好希望handwriting和聖經功課可以唔駛做.

yk0108

我突然覺得自己好似怨婦..........
上親來就係埋怨要做這些要做果些, 其實係咪我係一個好lazy的媽咪?!
唔知點解學校又要做海報, 點解要全人類都參加?
我本來和阿囡都好開心參加了摺紙組, 但竟然返來又有功課交, 我又唔識摺(我就係唔識摺, 所以想阿囡學完返來教我), 阿囡就更加唔識摺, 唔知會唔會又當欠交功課, 還是年尾派張表回來寫住學習態度"C". 唉!

yk0108

Shirley,

真係好鬼"興". 做咩英文次次小測個word list係咁要人寫? 明明有d係記得都要係咁寫, 隔離班圈十零個叫她們寫. 真係嘥時間, 用抄寫d時間來溫唔識d字咪仲好. 又唔係少, 75個字, 每個寫3個, lee頭寫完lee頭就唔識個d依然唔識. 真係好激氣 !!!!!!!

yk0108

Shirley,

本來你問我係咪普通話默書, 變成係你提我, 真係唔該晒你呀!
你請了幾多日假陪個囡呀? 老闆會唔會EE哦哦?
今次張英文小測咁耐都未有, 得返星期六,日溫, 希望溫得晒. 唉!科聖經和普通話溫都未溫, 真係頭痕!

Hochingman,

問隔離班d媽咪!

yk0108

hello,

終於測完驗, 有無請到假呀? 張英文word list是2年級我們果班才要成張抄. 我覺得中文就可能要寫多幾次才記得, 但英文阿囡就真係唔駛, 反而每朝,晚口頭都佢串都ok, 所以好唔鍾意次次測驗都係咁抄.
今次測驗, 我想開始俾阿囡自己溫, 自己負責, 但後來發現她所謂的溫好, 真是.........唉! 究竟幾多年級才可以自己溫書?
你們聖誔節有無諗住同阿囡去邊度玩? 見廣告賣華僑城好似好靚, 好想去!

Shirlley,
請check pm.

[ 本帖最後由 yk0108 於 08-12-4 08:28 編輯 ]

yk0108

hello AA,

上年考完試便即刻不用上學, 直至結業禮返去擺成績表. 但上年大概3,4月唔記得咗係流感定咩, 咪全港放兩個星期假, 以致考試也是延遲. 有些家長一早訂定機票無得退, 同學校商討後有得補考/早考,但所有科目打九折.
八卦問句, 你去邊?

yk0108

SEND咩賀咭設計? 我唔知呀! 阿囡爸爸教她畫, 畫完好似print咗張嘢出來, 我無再過問, 見無欠交功課就唔理咁多啦啦!

yk0108

shirley,hochingman,

個音樂會果份幾時交? 我買咗香港女中青樂團攪的動物世界音樂會, 希望無咁悶... 今日果份中文全方位究竟係適宜幾多年級做?攪到我又發晒火, 阿囡又兩行眼淚, 有無d couse訓練耐性俾大人上? 有時阿囡搬字過紙都搬錯又有咩方法?
hochingman, 你份花木蘭好勁!  怪不得我視藝科長期都係咁低分.

AA,
我上年結業禮都無返, 份成績表和暑假功課都是過幾日在校務處取.

[ 本帖最後由 yk0108 於 09-2-27 18:35 編輯 ]

yk0108

獅子頭, hochingman,

心情好低落..................................
來緊連續幾個星個不斷的默書要幫阿囡準備, 但偏偏阿囡的記性起碼要溫四,五次才完全記得, 同佢溫中文就我更加無心機, 成日都估唔到佢出咩, 真係求其合格就安落. 有時覺得好似有把聲:都唔駛返工, 咁得閑都攪到個囡咁.( 我現在的本能反應就同人講, 我好忙, 我好忙, 我好忙) 果日放學, 有d同學仔攞份大禮物, 原來是圖書設計獎, 阿囡又好"善"慕, 話從來都未試過視藝科貼堂, 其實我都好俾心機幫阿囡畫...
今日剛剛去完同學仔的生日會, 玩輸咗又兩行眼淚, 唉!都就來8歳, 究竟係天生性格定是我唔識教? 獅子頭, 你囡好耐性, 上兩次都係見你囡囡氹我囡, 真係感激你囡囡.
返工如果勤勤力力, 就算唔升職加薪都有糧出, 對住阿囡有時真係覺得充滿失敗感.
6月20日應該會兩母女去, 希望唔好好似上年咁黑色暴雨.

yk0108

獅子頭, hochingman,

謝謝您們的安慰! 讓我感到人世間的溫暖!
我都真係好想再約你們出來,但跟住落來連續的中英文默書....唯有在lee度同你們呻住先.呀! 暑假再約過出黎玩!!!
這兩個星期阿囡剛剛進入"更年期", 真係俾佢煩C. 她每隔9個月至一年, 總會有兩至三星期, 事無大小都喊一餐, 你們囡囡會唔會咁架?
今天阿囡又做了三個鐘頭功課, 食埋飯,沖埋涼, 8點同佢溫默書, 她就瞌眼瞓, 記都記唔到, 唯有8:30俾佢瞓. 唉!你們小姐有無做咁耐功課, 又要瞓咁多?
講起英文默書, 5月12日果次, 係咪又要背默, 又要默月份個課? 好似好多咁, 定係改了, 阿囡又唔記得話我聽?! 我見今年一年班本英文書, 同我們果本唔同, 好深. 又見三年級用緊本4A,差不多成版都係字, 無咩圖畫, 仲要一次默幾頁, 真係好恐怖. 下年都唔知點捱.
獅子頭, 你囡囡係咪就來生日?

[ 本帖最後由 yk0108 於 09-4-28 01:39 編輯 ]

yk0108

獅子頭,
同你囡囡補祝聲生日快樂! 愈大愈靚, 愈大愈聰明!
人哋話過了8歳是一個超級駁咀駁舌, 一句頂十句的年紀, 有同感嗎?
這幾天早上天氣很涼, 穿件夏天校服, 手手腳腳都好似冰咁!

Fatkie,

都唔係日日做三粒鐘, 不過有聖經或德育果日就高危d! (逢星期一和三就有lee兩科) 英文背默都唔算好難, 反正老師在課堂同佢哋背, 只是這幾星期教得好趕, 今個星期教完, 下個星期即默, 連續咁三個星期, 真係消化唔來....
本書唔深都大把人唔合格和拿蛋?  咁你囡囡都應該幾叻喎!

[ 本帖最後由 yk0108 於 09-4-29 23:47 編輯 ]