..........

cornelius

kiwi2007 發表於 19-7-14 11:22
家庭會議:爸:我官校出生,男女校平衡D，少D辦學團體干預及影響
媽:我教會女校出生,齋校好D，專心D，至怕官校 ...

我是讀西營盤男官校的，官僚係一般官校的通病，鐵飯碗，以前和現在縱有做又36，唔做又36的老師，但相信盡心為學生的也會有的，問題係你是否遇到。不過，由於老師是公務員，始終定時定候會調走(轉做督學、升職等)，他們不像津貼或直私的可以做足一世似的。

另一方面，政府若帶頭試行新嘢時，官校就通常會做先，這視乎新嘢係啲乜，有好有不好，例如當年推展電腦科，我間官校率先有得讀，同學們會十分興奮，但若果係推行乜乜國民教育之類，有機會又係搵官校做試點，因為冇得 say no。

自己讀男校，會知道讀男女校的好處(早日學習與異性相處，我認為對家中只有一子的尤其重要)；但若果係個女，讀男女校又可能不同考慮，始終男、女童成長期有大差異，女仔又早熟，家長會担心。

當年預科有外校生慕名而來，他們都有不錯的會考成績，男生包括不少地區名校，甚至DB仔，而女的更包羅萬有，例如DG、 St Mary、GH、坑真、英華女、Maryknoll、 Marymount 等，現在取消了會考，很難再有呢支歌仔唱了。

資源放在拔尖定補底？當年我中四讀 A Maths班(全級得一班)，分配的老師都算理想，起碼大部分是用心教書的；補底方面就唔太覺，不知現在情況如何，但就編班安排來推算，官校人手編制沒有直資或某些津校的彈性，像小兒中一至三都可以在四科主科安排小組上堂(約20、21人)，其他科則與自己班的同學上(約31、32人)，教學效能應該較為理想。

cornelius

taiyeung 發表於 19-8-6 19:32
當年表妹由女校考進貴校做男校女生，真係萬千寵愛在一身，大讚貴校男生高質gentleman，亦比無女生既男校生 ...

多謝讚賞

講真，讀得官校的男仔有唔少係薯頭薯腦，老老土土，不過經女伴執一執會馬上升 level ，在此恭喜你表妹嫁得如意郎君，並祝師弟妹百年好合，永結同心

cornelius

kiwi2007 發表於 19-8-6 21:50
那些年，做得男校嘅女生，會考成績肯定好亮麗。除左女洗手間少d而有些不便之外，呢班女性新同學的校園生活 ...

當年外校生入得嚟讀一般會考唔太差，以我班為例，女仔攞6個A係等閒事，當中有個後來Kong U攞埋 first hon。但高質一般只限學業成績上，要顏值同樣高質，不是沒有，而只屬少數，她們亦自然引來大量狂蜂浪蝶 ，其中我記得有個師姐短暫做過DJ和主持，後來嫁咗做濶太。

有冇同 SPC爭客就唔清楚，反正當時真的不當 SPC為對手，因為當年我們的成績比QC還要好，不過時移世易，我都冇畀阿仔讀自己母校了，反而自二選擇了QC