S1 數學

阿狸

本帖最後由 阿狸 於 24-4-26 10:03 編輯

小兒都係中小升英中，上學期初做數學功課發脾氣，話討厭數學，追問下先講上堂聽唔明英文授課，功課睇唔明題，唔識做。
我即刻同他一起研究教材，睇例題，跟住書逐題解難，我都唔明處即上網搵資料，清除所有卡住的點。跟住再要求他例題後的所有followup都要做，做岩先可以繼續下一知識點。
他測考數學獲得78分，他說如果沒有我的幫助，他也就能考20分左右，並表示不討厭數學。我之後繼續監督他做嗮書本的所有練習，最近考試數學獲95分，成績不俗。
我發覺他學校的數學教材非常好，練習足夠多，做嗮書本的所有練習就不難獲得好成績。另外，我陪同他時經常感嘆數學簡單又有趣，我好鍾意解題。宜家我會時不時問下他有沒有卡住的位，是否需要我的服務，唔再主動幫手睇題。
如果家長唔想包辦，建議搵專業人士，數學基礎好重要，一定要幫小朋友清除所有卡位。
唔知我的經歷是否幫到你。