天神嘉諾撒小學

wtyedu

Happy kindergarten 唔緊要, 你有冇培養佢的閱讀習慣? 有閱讀習慣的根底應該唔會跟唔到.

wtyedu

我都知有個小一的轉校了, 不過佢的情況有啲特别，因幼稚園轉校有阻滯，基本上冇讀K3，所以上小一後跟得辛苦而失去信心。據了解其實仲有人成績差過佢，不過可能父母寜願小朋友轉換環境試試。其實個小朋友好聰明的，作為佢的同學家長我都有啲失落。

其實去年我都跟樓主一樣有點不安，亦出個post問前輩，樓主都可以search番，不過上了大半年覺得還可以的。重要的是真的要有閱讀習慣，啲能力係會慢慢發揮出嚟。

wtyedu

其實谷係用外力去學習，唔可以長用，始終都係要自主學習先係王道，我們家長都係希望小朋友自動波，唔使吓吓chur先讀。

點樣可以令學生會自主學習? 自己之前的認知的方法，一係利用孩子天生的好奇心，配合探索的方法，引發孩子的求知慾，進而自發學習；或者培養孩子對事物的興趣，將興趣轉化為學習動力。

但囡囡入咗天神後有另一個體驗（其實都係老生常談，不過之前自己冇諗過），就係朋輩的影響令自主學習內化，即係話當所有的同學都係度閲讀，你就自自然然一齊，唔會問點解，好似刷牙洗面咁。

唔係話天神冇探索或者培養興趣的課程內容，只係佢真係有好深厚的學習文化，入到去自然就會受熏陶，就倒咗個天神模出嚟（包括埋佢個孖辮女形象）。

以上只是我小一家長的感覺，再上去我就唔知喇。　

最後，我覺得呢個＜小一選校＞版係"公海"，歡迎所有人發表意見，又唔一定要用家先可以發表嘅。