德褔幼兒園(n1)08-09 入o黎chat下...

fostermak

HI :
我大囡舊年響德福讀N1,老師同姐姐都好好,主動提出幫囡囡戒片,結果兩三個月,日片連夜片都戒埋,所以細囡都會響今年九月讀上午N1班,希望有機會同你地D小朋友做同學...
程度方面,N1主要學A-Z,人口呢D生字,同k1差4唔多,程度都唔算淺,所以讀年一年N1,好多小朋友會考其他比較有名的K1,如根德園,劍鳴,鑽石山靈糧...

如果屋企有工人或有屋企人睇,又可以幫小朋友訓練自理,咁都唔駛俾小朋友讀全日,因為全日學費唔平,又冇學券...

原文章由 rabbitgirl 於 08-1-21 11:32 發表
full day 如果你屋企有人睇，我就唔見議小朋友讀 full day ，因為下午都係瞓覺多！主要都係上午學野！

考...我都唔知...比 d 野佢玩，睇下佢識唔識玩！冇野問過！都係問我地大人！好 easy 咋！放心！

...

[ 本文章最後由 fostermak 於 08-1-21 13:14 編輯 ]

fostermak

winniethepong:
係九月開學架,同埋初頭幾日係適應期,由一個鐘慢慢加到兩個鐘,先至三個鐘,頭幾日家長可以陪上課...

如果你小朋友係二月,可以申請二月,即下學期插班,但可能係讀一年半n1,或二月先讀下學期,九月讀上學期,到翌年二月轉讀k1,我見大囡以前有個小朋友係咁,不過都要問下學校,同埋睇你想小朋友點...

fostermak

MrsJCLee:
你好啊,我大囡最後考入鑽石山靈糧讀K1...

當初俾囡囡讀德福n1,主要想佢學自理,同埋多d同其他同齡小朋友相處,同埋見德福有空間大,又有露天操場,可以俾小朋友每天曬太陽騎單車,吸收新鮮空氣...

一直都覺得德福好好(響區內),之不過係同其他bk媽咪傾開,德福k1學費同出面其他出面名校幼稚園唔係差好遠,咁咪試下考出面幼稚園,當係見識下同比較下,結果考左幾間(包括德福),兩公婆最鍾意鑽石山靈糧,因為我地係教徒,想囡囡響一間基督教氣氛濃厚o既學校讀書,想佢有多d德育同品格宗教熏陶,亦想佢開開心心返學,訓練佢創意同表達力...

雖說德福幼稚園都係基督教,但宗教色彩較淡,之不過n1課程真係唔算淺,係教k1的課程, n1許老師同蘭姐玲姐好有愛心...

我諗俾得小朋友黎德福讀,多數係中產家庭,唔係小朋友同公共屋村幼稚園d新移民小朋友一齊,同埋家長比較著重子女學業...

舊年情況係,大部分n1家長都幫小朋友都考同揀出面唔同o既名牌幼稚園(我知o既有根德園/約克/st catherine/又一村/聖三一/崇真等),只有小部分考左都決定留響德福,因為佢地好滿意老師同學校,因為各個家長取向同要求都會唔同...

原文章由 MrsJCLee 於 08-2-2 11:28 發表
Hi！各位，大家好，我又來報到．我小朋友也是今年讀N1上午中英文班．

係呢，fostermak，請問你大囡最後有沒有轉去其他學校讀K1?

fostermak

lovelywinnie:
2009年八、九月先俾囡囡讀一年N1,2010年讀K1梗係得啦...
如果你響德福讀n1,咁k1就唔駛面試,可以直上k1,最緊要你肯俾留位費就得...

另外,德福有playgroup,你可以打去問下,但係你要有心理準備,職員d telephone manner一般...


MrsJCLee :
我諗各個家長對於學校有冇宗教背景同濃厚程度要求唔同,我記得
n1果陣,聖誕會有親子聖誕飾物設計比賽,萬聖節會有時裝表演,每日茶點會教小朋友祈禱,對我呢位n1家長同囡囡黎講,已經好足夠...

到K1,我地想k1多d宗教上的培育,例如有早會或午會唱聖詩,有聖經課,新年聖誕有崇拜,學校有傳道人講道,教識佢凡事感恩...

到九月,大家的小朋友讀n1後冇幾耐,就要考慮係咪報其他k1,或者
大家可以相認下,交流意見架...

fostermak

rabbitgirl :
好耐冇過黎添,我返九龍城樂道會架...

你呢?

原文章由 rabbitgirl 於 08-2-6 09:39 發表
預埋我，我地一齊相認啦....我都係教徒...

係呢，你地返邊間教會？？

fostermak

ritalpy:
歡迎你呀...
我記得遲d大約四至五月會有幾堂學前適應課的,到時見!!!

原文章由 rabbitgirl 於 08-2-21 10:35 發表
哦...都係同一個大家庭的人！

fostermak

ritaply:
多數學校冇咁快通知架,都係到四五月先發信通知訂造校服...

原文章由 ritalpy 於 08-2-21 17:06 發表
多謝你地呀!
下apr/may會有堂上架啦? 無人通知過我地呀...... 不過, 我覺得間學校有d被動, 雖然9月才開學, 不過到依定都未有人通知究竟家長有什麼須要, 要我地自己開口問。 好似school uniform, 原來國際 ...

fostermak

ritaply:
多數學校冇咁快通知架,都係到四五月先發信通知訂造校服...

蛋糕妹:
今年學費加到$2500,唔知明年會唔會再加價,雜費唔係好多...
[/quote]

fostermak

MrsJCLee:
如果新校長冇改新例o既話,我記得所謂校服其實係圍裙兩條,冬季同夏季都係着佢返學,冇校褸同運動衫,到k1先要買,另外仲有書包同埋一d歌書,課本

原文章由 MrsJCLee 於 08-2-27 12:22 發表
啊！我有印象曾聽過N1係唔使買校服，只係要買圍裙和書包喎？

[ 本文章最後由 fostermak 於 08-2-27 13:08 編輯 ]

fostermak

rabbitgirl :
你係咪問
"點樣幫囝囝戒片"定係"點解要幫囝囝戒片片"?

原文章由 rabbitgirl 於 08-3-5 12:21 發表
我想知點解幫囝囝戒片片呀？？

fostermak

RABBITGIRL:

個個小朋友進度都唔同,一般幼兒書話唔好咁早,等小朋友識出聲或識示意及識控制膀胱肌肉先開始,但父母都可以教下佢,幫下佢...

---試下每次換片前+沖涼前+食飯/食奶前+一起身,同佢坐痰罐,等佢習慣一下,去得多就會習慣放低幾兩,進而出聲示意

---如果唔嫌污糟,舊時人地教就係唔同佢著片,尤得由響屋企賴尿,佢賴下知濕,下次就會出聲,或者唔想整污糟間屋,就定時的佢坐痰罐...

大囡情況係:
我最初係每次餐奶或粥前,換片前,解開片同佢O殊O殊及NG NG,大囡都ok,再大少少,識坐識走就每次換片都俾坐痰罐,由於大囡比較依賴,佢去大大會示意出聲,但小小就唔肯講,我試過同佢唔著片,由得佢賴尿,但覺得要成日抹地抺屋,好煩,所以當時係俾佢著學習褲戒片,所以一歲半陣想同佢戒片唔成功...

之後由於佢唔再由婆婆湊,麻麻直情換片就算,冇同佢坐痰罐,於是真係靠讀德福N1老師+校嬸,再加自己每天返工放工後同囡囡KEEP住餐前換片+著學習褲,順便坐坐痰罐,所以好多謝德福老師+校嬸,因為佢知道我情況,話佢地最初話響學校試行戒片,做到先到屋企戒片,結果大囡響學校做到,返屋企都肯講,麻麻先信,先跟住肯幫佢戒片乍...

細囡則比較主動,由於半歲後由麻麻湊,所以我都係靠自己,唔靠得麻麻,一歲前同樣係每餐奶或粥前,同佢換片果陣兼解片o殊O殊,一歲後先開始坐痰罐+兒童廁板,但佢初頭都唔得,日子有功,佢已經肯O殊O殊,而且約一歲開始肯主動出聲話O殊O殊,由於佢D膀胱肌肉未控制得好好,有時疴完先講,有時一講即疴,近一兩個月好明顯可以試戒片,佢亦好主動出聲,如果佢唔爛玩,十次有八次都會出聲,有時真係忍到坐廁板先疴,有時疴濕片,再疴先出聲,但亦有時貪玩想借尿遁,我就習慣得閒問下佢:有冇O殊O殊,坐緊廁板就問佢:疴完未,而家細囡去完會出聲講:疴完...不過細囡成日少少尿都話疴O殊O殊,出街就會搞到我冇餐好食,因為一餐飯至少去廁所兩至三次,見大囡去,佢又話跟住要去...

這是我的小小分享,大家努力啊!!!
[/quote]

fostermak

rabbitgirl :
如果而家冇時間同人手同囝囝戒,就等返n1先啦,果陣老師話同囡囡戒片之後,有d未戒片的同班同學見到人戒佢又跟住自己戒片,佢地返學,見到其他同學識做好多野,自己又會跟住去做架o勒...
反正返n1就係學自理,戒片方面,老師同姐姐都好有愛心,佢地真係覺得小朋友係時候可以戒片,佢地會出聲,亦會有佢地o既辦法,放心啦...

我都好明白,湊住兩件,真係周身都唔得閒,你係全職自己+工人+屋企人湊,定係都返工架?

原文章由 rabbitgirl 於 08-3-10 11:19 發表
fostermak :

多謝你的意見！

不過我最煩的就是，仔仔當痰罐係玩具，同佢除褲仔，坐上去，佢唔肯，但著住坐上佢，佢就係到扮疴屎！係到 "唔" "唔"，我真係比佢激死，又比佢笑死！

不過以前細個時都有噤幫佢 "唔" "唔" 同 wee wee ，佢ok 的 ...

fostermak

rabbitgirl :
每個小朋友總有d佢地怕o既野,最緊要搵明原因,再睇下點幫佢克服...
我個細囡好搞笑,佢真係冇有怕,但有一次俾我地發現佢驚長繩架,一見到就走人,另外又驚黑蚊蚊o既電視畫面,佢會即刻搵我...

至於敏感,真係要留意下係食物定環境因素,會唔會食野抹嘴抹面抹得唔乾淨定係太細,有d野佢唔受得...

原文章由 rabbitgirl 於 08-3-12 11:38 發表
MrsJCLee :

多謝你的支持，抽氣扇我係全年都有開，不過係可能唔知係樓上定樓下裝修，有聲發出，引到佢好驚！我都唔太清楚！

不過 d 家就時好時壞！所以都答你唔到！

至於囡囡，我諗佢之前可能食錯野，因為我同兩日時間唔比其他立立雜 ...

fostermak

vibrant_orange :
你可以去"德福幼稚園"果邊問下,我知道mina媽咪果囡囡舊年n1開始已經響德福讀全日IN1,而家讀全日IK1,你可以問下佢架...


http://forum.baby-kingdom.com/viewthread.php?tid=860929&extra=&page=1

原文章由 vibrant_orange 於 08-3-16 14:51 發表
i wonder of the international class's english standard would be higher than the local stream classes...since it's more expensive....what do u all think?

fostermak

elizatyy:
有NET，Westeners，不過要睇下開學會唔會有乜變動...

原文章由 elizatyy 於 08-4-14 22:35 發表
Will the English class conducted by a NET?  (Westeners)

fostermak

rabbitgirl & all:
好耐冇上黎打招呼...

原來我囡囡同你小朋友都係N1A班,咁呢兩日應該見過你,
我囡囡叫思庭,眼大大,頭大大,坐響最少人(2個同學仔)果張枱度,靠近窗口...

聽日大家相應下...



icyman:
以前舊校長就安排十一月插班,家長頭一兩日都可以陪,但而家就要睇新校長安排...

原帖由 icyman 於 08-8-31 15:48 發表
你好!我仔仔要十月中才滿兩歲,十一月初才插上Ｎ1班,不過到時沒有家長陪同的時段,你門是否明天開學呀?

fostermak

MrsJCLee  & spiga:
其實都係同學仔,因為老師話會兩班同學混合一齊上堂架...

你地小朋友今日點呀?老師話妹妹今日少少喊...

原帖由 spiga 於 08-9-2 22:54 發表


Hi MrsJCLee

my son is in N1B too... this morning, I went to sch with baby.... he only cried a while at the very beginning, but so shy...

fostermak

MrsJCLee  :
我唔知新校長會唔會有乜野唔同,因為n班都走左好多老師同主任,感覺係人面全非,得許老師+祁老師+蘭姐+玲姐係舊人...

由於我大囡果陣又瘦又細粒,行路平衡力唔好,好容易跌親喊,果陣如果囡囡跌親喊或乜野特別事,教c班o既許老師會打俾我,我自己都會趁住接送時間問下囡囡情況,或久唔久打俾老師,佢都好樂意講下,你都可以咁樣做知多d囝囝上堂情況...

cccsmc:
原來你係樂樂媽咪,你好,樂樂好叻呀,講野叻,又冇喊,適應得好快,我個小妹妹平日好鬼痴身,都預左佢喊,好在唔算好犀利...

咁你會唔會幫囝囝考去民生呀?第日小學中學唔使再煩o麻...

係啦,以前都有每日量體溫,唔知點解冇左?不過德福d衛生都做得好好,可以放心...

聽日見

fostermak

030316:

原帖由 萱萱娃娃 於 08-9-4 11:14 發表
各位媽咪你哋好ar, 我出年都想比我個囡讀n1 ar, interview時難嗎, 學費同雜費方面又係點呢, 可否給我少少意見ar. thx

fostermak

萱萱娃娃:
面試唔難,基本上咁細個,唔會考點乜,都係砌積木,玩玩具
如果係報,應該年尾十一,十二月打電話去德福報名,因為呢度n班好搶手,我知道今年開齊五班,仲有人排緊waiting黎讀...

至於學費雜費,真係要問學校,因為年年都加價,今年普通中英文半日班,學費已加到二千六蚊,雜費唔多
國際班三千幾同全日國際班仲貴,近五千...


030316:
我認唔到你個仔同老公,佢叫乜野名呀?我淨係認得你乍
其實有特別事,老師先會主動聯絡家長,但你想知囝囝上學情況,你可以打去午飯時間打去學校搵老師傾兩句都得,我呢兩日放學,會俾妹妹響露天操場玩,見到老師出黎,咪順道問多兩句妹妹上課情況...

一直都係一班十幾人,一個老師教,但每日會有d時間係兩班合班,兩個老師一齊教,例如大肌肉活動--->去露天操場溜滑梯及在課室外圍圈唱歌
我諗唔會好辛苦,因為d課程相比起k1鬆散好多,我同老公以前成日黎張佢地上堂,每日學同做o既野唔多,老師會逐個小朋友睇,所以老師會睇得仔細d,細微d...

至於地下大課室,係幾班共用,全日半日都響呢度,應該係AB一齊,CD一齊咁樣...

校長係去年新請翻黎架...

MrsJCLee:
我覺得好似校長惡過d老師,似主任多過校長,乜都親力親為...

我個妹妹好鍾意響露天操場玩,但一入到課室,開頭同後尾接放學少少喊,我走去佢地座位果邊窗處張入去,不過張左一陣又被老師請走,另一邊窗(近運動場果邊又落晒簾仲難睇)

原帖由 萱萱娃娃 於 08-9-4 11:14 發表
各位媽咪你哋好ar, 我出年都想比我個囡讀n1 ar, interview時難嗎, 學費同雜費方面又係點呢, 可否給我少少意見ar. thx