如何找到現職小學老師補習?

1998Ruby1998

好難搵小學老師肯做補習，收工最早都要 3 點，未計要同學生練朗誦比賽／改功課／彩排學校話劇等等，一搞就 5 點 6 點。畀著係你，8 點開始對住小朋友對到 5 點，仲要教書＋確保堂上秩序，你都累啦，仲邊會想搵補習？（除非你人工真係好唔夠洗）

如果係小學補習老師，通常都唔會係名校 Band 1，而且唔會開校名，因為好難確保家長／小朋友誤講出來，畀同事甚至校長聽到，通常學校都唔鍾意老師搵補習（除非係友情在先同埋得一兩單）。不過得一兩個學生的話，又怕家長知道他時間彈性高，會多了要求。

不過做小學老師未必代表一定教得好（其實做老師，考到教育文憑＋有學校請就得），我以前高小個數學老師教得唔好，成日 6X，搵個小學畢業的阿姨幫我，一補就進步到 8X－90分。都係要睇下個小朋友同老師夾唔夾，小朋友係咪學到野。

我唔知宜家d補習老師點開始第一堂或者點見工。不過我經驗就係，首先電話見工，解釋我會大概上堂做咩（有冇作文，學grammar）。第一堂通常家長都會係度，我會畀學生做 Test，畀家長，學生同我摸清對方個底。一來我知道個小朋友識幾多，二來個家長都會更清楚我個能力同埋係咪知道呢個年級會學咩。

1998Ruby1998

回覆 rainrain613 的帖子

唔係犯法，不過第一放工後已經冇咩時間同精力，第二有些學校唔鍾意老師秘撈（咁樣即係畀學校有藉口話佢咁得閒，會畀多啲嘢佢做。如果學校有學生成績唔好，學校第一時間就話因為你冇擺100%精力幫學生）。就好似某些學校／老師唔鍾意聽到有學生去補習一樣。所以好少老師會補習，就算有接補習都會好神秘，唔會講自己教邊間。