請賜教如何推動動力去溫習

1998Ruby1998

中五，可以開始講「感化」說話。

我阿爸阿媽小學已經有同我講「老竇老母年紀過半百，身體唔好，陪唔到你幾耐，仲有幾年就退休，到時冇收入，要靠積儲生活。你如果讀唔好書，搵唔到份好工，咁我地兩個兩腳一伸，剩低你孤零零一個人點算？」

又或者用苦情計

「如果你 DSE 考得唔好，我地都會畀你出國讀書，有學位，d 老闆先會請你，唔洗擔擔抬抬捱驢仔，臨老都唔夠錢洗。不過老竇老母辛辛苦苦儲左 20 年的 100 萬同埋呢層樓，就投資落你身上啦。不過為左父母臨老唔洗為錢愁，臨老連棺材本都冇，可唔可以答應我努力少少，香港有大學讀？一年 4 萬幾，讀四年就十幾萬，老竇老母仲負擔得起，可以供你讀完大學，唔洗一出來就欠政府錢要密密打工還債。」

如果咁樣都唔生性唔開竅一滴眼淚都冇，就真係搵定後路，自求多福了。

不過話說會來，我都係中六先正正式式發力，激左阿爸阿媽十幾年先開始生性。

1998Ruby1998

回覆 mother904 的帖子

同佢講，外國大學都要睇邊間同讀咩科。好果堆，Elective 至少 2 條 5 先有得入！（大學課程網站有直接講 average offer 幾多，好大學好課程通常都要 AAB，即係 554，有d大學依家仲講到明 5 係 B，4 係 C）你要同佢講，如果係野雞二線大學／foundation／讀 A Level，你唔會畀佢讀，然後叫佢自己睇下人地大學咩要求，自己達唔達到。如果學校成績表唔靚仔，d大學可以「獅子開大口」 offer A*AA 畀你都得！到時候你有 offer 又點？（我 EK 日誌都有講到自己 UCAS 同學校代表面試喔）
雖然父母有提供到經濟來源，但係學位係自己爭取返來，我差一兩個 grade 都要去教育展見代表，除左「演戲真誠」，仲要夠料，唔係你叫人地代表點樣幫你同大學 department 求情？我都想咩都唔做呀，但係為左將來，都要爭氣。

1998Ruby1998

回覆 JoseHui 的帖子

其實讀書呢家野，永遠都唔夠時間，讀唔完，只不過係你讀完之後可以吸收到幾多。人人都唔同，有d 人臨尾爆 seed，有 d 人笨鳥先飛。
如果 DSE 咁遠（多過 1 年），個學生唔會感受到 deadline 果種感覺， 死期越來越近先會識得驚。我呢d正衰女就等到 12 月先開始發力，肯自動返學校溫書，好彩有同學肯陪我一起坐係學校到。

如果想溫習記得入腦，一定要先清 concept，有選擇題的考卷就做呢一部份，咁樣就知道自己係邊到生疏，發現之後仲可以即刻搵老師（除非你老師係典型朝 8 晚 4 放工即走），當面問清楚。同埋一定要夠訓，唔夠訓思考能力低好多。