現在學生打中文字，用拼音多？還是速成？

1998Ruby1998

我唔識裝字，學校教九方（唔明點解唔教速成？出來打工有幾多間公司有裝九方畀你？）

自己用普通話拼音，因為夠快（一分鐘 65 個字啦），唔需要諗隻字點寫（除非你連讀音都唔知）。我高中先學識速成（要慢慢練同記）。以前計時練打一百字文／一篇詩，正常打字文員大約 1 分鐘 40個字（好肯定拼音多好多字）。真係要練，我自己唔識鍵盤字母擺位，以前小學考英文打字好慢，玩果d typing game 都好差。中學因為得閒得制，成日打英文小說，用左一年幾年時間就記得 d 位置（雖然指法完全唔啱），依家一分鐘可以打 60-70 個字啦。

阿媽手寫慢，裝左粵語拼音畀佢，識廣東話同英文字母就得

1998Ruby1998

回覆 IloveJJ 的帖子

手快打錯，係 40 字（呢個上網 BK 睇到，我唔知咁多）
小學考過中文打字，不過得小三先考過，之後就冇再考。成堂 30 分鐘淨係打一篇 100 字文（我仲記得係講南亞裔，因為我唔識入九方「裔」，所以打「族」然後搵「裔」），我過左然後呆坐成堂。
反而英文打字年年考，篇章點打都打唔完，果陣有好多練 Typing Game 同學，打字好快，但係都打唔過 50%。

1998Ruby1998

回覆 jollyma 的帖子

拼音還可以理解，九方真係離譜！速成倉頡唔教，走去教呢個最冷門的輸入法，仲要電腦唔係免費下載，要畀錢買先有 5 次下載 key。
九方唯一好處就係我呢類唔識筆劃的人都可以用，同埋一個程式有齊注音、五筆、拼音、筆劃不過老師其他都唔教，淨係教「字型」呢個用法。壞處除左以上講果d，仲有就係助長我繼續唔識筆劃。